JEREMIAH 22:6 - PATHIAN LEKHABU THIANGTHO (BSI)

⁶ Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 22:6 ပူးပေါင်းရင်းမြစ်များ

THILSIAM THU 37:25

Chun, an ne dingin a kichu khawm tau ah; chuleh, a vak khawdat ua leh Ishmael khualzinte, a sangawngsau hon uh tawh Gilead gam ah kipat gimtui leh thingnâi damdawi tawh murra pua’n, Aigupta gam ah chia suk dingte a vak mu tau a.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

SOLOMON LÂ 4:1

Ka hepi, la mêl a pha na lawm lawm e! La vakhu mitte chule la maikhûna’n a lia hi. La sam chule Gilead tâng ah, kêl hon tawh a bang hi.

SOLOMON LÂ 5:15

A kengte chule alabastar gimtui ah kisiam khuam, sana khuamkua ah kitung tawhbang ahi. A mêl lat dan chu Lebanon tâng ah, sidar thing mêlpha pente gual chu ahi.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 37:24

La suakte mang in Lalpa chu la hosia ta’n: Ka sakol kângtalai tam tak tawh, mual sangte ah ka kaldok in, Lebanon tâng sânna pen tiang ka tung in; a sidar thing sâng pente chu ka phûk pai in, a châk thing îtchâk um cha cha chu ka phûk pai hi; a tângvûm gamla pen tiang ka tung in, a gammâng phatna pente chu ka tung hi.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

JEREMIAH 21:11

Judah Inkuan ah lengpa kiang in zia gual hin gen in: Lalpa thugen hi a la ngai un.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 22:24

Judai gam ah Jehoiakim chapa Koniah chu leng hi hen la, ka khut changlam ah ka min namna khutsebi hi hial ziang maleh, zia kipat chunle hun botdok tho tho ding ka hi, ti’n Lalpa‘n a hinna sâl in a kihaksial tai;

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 50:12

la nu chu huaisia tak ah hung mualpho in, nang hingnu chu hung minsia ta’n a. Ngai un, ama chu nam lak ah nuainung pen leh, gamthip, gamgawchâk leh gamkeu hung hi’n a.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

ZEKARIAH 11:1

Aw Lebanon, la kot uh hong un; tichun, la sidar thing sângte chu, mei in a kât tum theina dingin!

KISIMNA LEKHABU 32:1

Chun, Reuben chate leh Gad chate chun gancha a hau ta ma mau ah. Jazer gam leh Gilead gamte chu a mu phât un, ganchate â ding ah gampha ma ma ahi ti a he tau a;

DAN LEKHABU 3:25

Jordan lui gâl ah gampha, tânggam pha leh Lebanon chu mu dingin ei gâl kâisak ham ham in aw,” ka ti’n.