JEREMIAH 22:3 - PATHIAN LEKHABU THIANGTHO (BSI)

³ Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 22:3 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

2 LENGTE 24:4

chuleh, mi bangma suse lo thisan chu a sua a; mi bangma suse lote thisan chu Jerusalem lam ah a dimsak tâk ziakin; zia chu Lalpa‘n a ngaidam nuam ta puai.

JOB LEKHABU 22:9

Meithâite khutngawn in la sawldok ah, nauchagate khutbânte chu la hi’bot piak hi.

JOB LEKHABU 24:9

Nauchagate nawichep lai kaidok ah, michagate nausen banda ding ah, lâkpiak ziang le a um ui.

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

SAM 82:4

Genthei leh chagate panpiu inla; mi nunsiate khut ah kipat in hukdok tau in.”

SAM 94:21

Midik hinna lâk gua’n a pung khawm un, mawna bei chu thi dingin thiamlo a chansak ui.

SAM 94:6

Meithâi leh malzin a that un, nauchaga a that un,

PAWTDAWNA THU 22:21

Malzin chu dik lo tak ah la bawllo diu, la sukgenthei lo diu ahi: Aigupta gam ah malzin la hi ta’ngal ua.

PAWTDAWNA THU 22:22

Meithâi hileh, nauchaga hileh la sukgenthei lo ding uh ahi.

THUPILTE 23:10

Gamgi tepte’na umsa chu chawn kin la; nauchagate gam chule lak piak diak kin,

THUPILTE 6:17

Mittêt chapote, lei zuauthei te leh mawna neilote thisan sua’na khutte;

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 26:16

Ziaphatchun, vaihawmte leh mipi zosiate chun, thiampute leh jawlneite kiang ah chun, “Zia pa hi a thi tâk lawm lawm ahi puai; Lalpa I Pathian uh min ah I kiang ua thu gen ahi ngal in,” a tiu a.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

KÂ LATE 3:36

a dikte maw chansak a hiu chu, Lalpa‘n mulo ding a hem?

EZEKIEL 18:12

genthei leh tasamte gawt hen la, mi suam hen la, a bat dit ki’hen la, milimte lam nga hen la, thil ki’dak um tak bawl hen la,

EZEKIEL 18:7

kuama poi a khoi lo ah, a kitiamna dungzui ah a leibat a dit kit ah, misuam ah pang lo ah, gilkialte nêk ding a piak ah, sil leh chên beite a thuam a,

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

EZEKIEL 45:9

Lalpa Pathian in zia gual hin a gen hi: Aw Israel lengte haw, a hun tai! Hiamngamna leh kihi’gentheina haisan unla, diktatna leh thudik in vaihawm tau in; ka mite a gam ua kipat nawdok ta kiu in, Lalpa Pathian in a tii.

JOEL 3:19

Judate chung ah thagum sua ziak leh, a gam sung ah midik thisan a sua ziak un, Aigupta gam suksiat in um intin, Edom gamkeu gamthip hung suak in a.

THIAMPUTE LEKHABU 19:15

Vai la hawm phat leh, diklo tak in thu tan kin la, a genthei simmaw in, a hausate jabawl diak kin la dik tak in vaihawm in.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

AMOS 5:24

Ahi’n, vaihawmna dik tui gual in luansak unla; diktatna chu lui tui luang let gual in.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

DAN LEKHABU 10:18

nauchaga leh meithâite dik tak ah vaihawm piak ah, gam chuam mite a khawtuana tâklang zing ah, a nêk ding, sil leh chên khomtua zing ahi ngâl a.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

DAN LEKHABU 24:7

Kuale Israelte lak ah mi khat pum mat ah, suak ah mang a hem, Israel mi chu zuak mang a hem a um chun, zia mi manpa chu thalup ding ahi. Zia gual ah chun la lak ua gitlona la hithian kawm kawm ding uh ahi ngâl a.

DAN LEKHABU 25:1

Mi pani thubuai nei ah a kinak phat ua leh, vaihawmna Inpi ah chia intiu in; tichun, vaihawmte chun pakhat chu thiam chansak intiu in, a khat zaw chu thiamlo a chansak ding uh ahi.

DAN LEKHABU 27:19

Gamdang mite, nauchagate leh meithâite diklo tak ah vaihawm piakte chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.