JEREMIAH 22:26 - PATHIAN LEKHABU THIANGTHO (BSI)

²⁶ Nangma leh a hun hingnu chu gam dang, la pianna gam hilo ah chun hun deldok ing ka tin, zia tak ah chun hung thiden ta’n lau.

JEREMIAH 22:26 ပူးပေါင်းရင်းမြစ်များ

2 LENGTE 24:15

Tichun, Jehoiakhin chu Babulon lam ah pui mang in a hung um ta’n; lengpa ji tawh, lengpa nu tawh, a miliante tawh, a gam ah mihatte tawh, a leng un Jerusalem ah kipat Babulon lam ah pui mang in a um suak tau hi.

2 LENGTE 24:8

Jehoiakhin chun vai a hawm pat kum ah chun, ama chu kum sawm leh giat ah upa a hia; Jerusalem ah chun tha thum sung vai a hawm ah. A nu chu Jerusalem ah um, Elnathan chanu Neshushta ahi.

2 LENGTE 25:27

Chuleh, Judai gam ah Lengpa Jehoiakim sal ah a kimat nung, kum sawmthum leh sagi a hung tin kum, a tha sawm leh ni’na, ni sawmni leh sagi a hung tin ni chun, Babulon Lengpa Merodakh migilo chun ama leng a hung hi kum ah chun, Judai dam ah Lengpa Jehoiakim chu a suangkul ngakna kipat chun a hun thâdok tai.

2 LENGTE 25:29

a suangkul ngâkna puante chu a thendaw piak ah; a dam sung sia chu a ma-âng in ankuang khat a sawk khawmpi den tai.

2 LENGTE 25:30

Tichun, a nisi’n law mu ding zat chu a dam sung sia ah dingin a ni a ni ah hisap in, nisi’n in a piak thaw zing tai; zia chu Lengpa sum leh pâi ah kipat in a pia tau hi.

ISAI 22:17

Lalpa chun huham tak in hun dîlmang ding ei ve, lawipa! A khut ah det tak in hun tu’n tin,

JEREMIAH 10:18

Lalpa‘n zia gual hin a gen ngal a: Tu’hun ah hin zia gam ah chêng zosia hi, sepdok phot ing ka tin; a chung un lungjinna tunsak ing ka, tichun, hethiam ta’n au.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

JEREMIAH 16:13

Ziaziakchun, zia gam ah kipat hin hun sepdok ing ka tin, la pu leh pateu leh nang unle la het khak lo gam ah chun, a sûn a jan in pathian dangte na chu sêm ta’n lau, doisakna him him hun nei talo ding ka hi’ngal a,” ti in.

JEREMIAH 22:27

Himaleh, kile’kit a nop ma ma nau gam lam ah chun vang, kile’kit ta pua’n au.

JEREMIAH 28:4

Chuleh, Judai gam ah Jehoiakim chapa Lengpa Jekoniah chule, Judai gam ah kipat Babulon sal ah pui mang ah um zosia kha tawh hun pui kit ding ka hi, Babulon lengpa ngawngkol chu khetbot piak ding ka hiziak in, Lalpa‘n a tii, ti’n a gen a.

JEREMIAH 29:2

Zia hun chu, Lengpa Jekoniah leh lengnu, a vaihawmna miliante, Judah leh Jerusalem ah miliante, mi khutthiamte tawh thîk sek mite zosia’n, Jerusalem a nutsia nung ua thil tung ahi.

JEREMIAH 44:14

tichun, Judai gam ah nutsia ah um sun, Aigupta gam ah chêng ding ah chiate lak ah, suakcha leh hing nalai, Judai gam ah kile’kit ding khat chale um pua’n au. Chia kit ah vachên kit ding lung gul ma maleule, gâl lâk ah suakcha neukhatte beplo ngâl chu chia kit ta pua’n au, ti’n a gen tai.