JEREMIAH 22:22 - PATHIAN LEKHABU THIANGTHO (BSI)

²² La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 22:22 ပူးပေါင်းရင်းမြစ်များ

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 2:37

La kisuanpiteu chu Lalpa‘n a paithâk tak ziakin, amau ah kipat in zakcha’n hung pawtdok kit in la tiu in, amau jal in vangphatna mu pua’n lau.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

JEREMIAH 4:30

Aw nutsia ah um nang la, bang ding ah puan sandup ah kivan nalai ah, sana kijem nalai sêt ah, la mit lian tak ah jem nalai la hem? A thawn ah jem mai mai la hi. La ngaijawngte’n a hun simmawu hi, tha gua’n a hun hawl ui!

JEREMIAH 5:13

Jawlneite chu hui gual mai mai a hiu, amau ah thu tak a um paw’ngâl a. Zia gual ma chun a chung un tung in a!

JEREMIAH 7:19

Keima ei sulungna ding ah a bawl uh ahi em? Lalpa‘n a tii. Amau kisuknatna ding ah a bawl uh hilo a hem?

HOSEA 12:1

Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 4:19

Hui in a tha’te’n amau a tuam in, a mâichâmte u ziakin mualpho in au.

ZEKARIAH 11:17

Aw ka belampu dukdak lo, gan-gual jamsan ziangte haw! Chemjam in a khutbân leh a changlam mit sât kha hen la, a khut chu tantha kêi hen la, a changlam mitle thûm den ta hen! a ti tai.

ZEKARIAH 11:8

Tha khat sung in belam ching pathumte chu ka naw mang ah, amau inle ei ningtel ziak un, amau chan ka ngâk zo puai.