JEREMIAH 22:21 - PATHIAN LEKHABU THIANGTHO (BSI)

²¹ La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 22:21 ပူးပေါင်းရင်းမြစ်များ

2 KHANGTHU 33:10

Manasseh leh a mipite kiang in Lalpa‘n thu gen maleh, amau chun a ngaisak nuam puau hi.

SAM 129:1

Tu’hin, Israelte’n, “Ka khangdawng lai ah kipat in, tamveipi ei la soisa tau in,

THUPILTE 30:9

achutiloleh, tai in niang ta law leng hun hemil ing ka tin: “Lalpa chu kua a hem?” hun ti kha’ng ka. Chaga talua leng la gûkchak khawlaw kha’ng ka tin, ka Pathian min hi’thanghuai kha’ng ka.

ISAI 48:8

A thawm gi la la het khâk nai lo, a thuthang le la la het nai lo, masang lai ah kipat khan la nakhang chu, hi’vâk a la hikha nai puai. Lepchia tak ah hun bawl ding la hi ti leh, la pian ah kipat him ah mi helmang hiding la hi, ti ka he ngal a.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 2:25

La kengte chu kengtawdap bei ah vâksak lo ding leh, la dang keu lo dingin vêngtup zing in. Himaleh, nang in, “Kinem kin! Gam dangte hepi ka hi’n, amau chu delzui ding ka hi,” la ti hen.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 25:3

Kum sawmni leh thum sung, Judai gam ah Amon chapa, Lengpa Josiah a lalna kum sawm leh thumna kipat tu’ni tiang hin, Lalpa‘n ka kiang ah thu a gen zing a; zia thu chu gunchu tak in la kiang un ka la gen ta’n; himaleh, nang un vang la ngaitha nuam puau hi.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

JEREMIAH 25:7

Chutisapi’nle, lei ngaisak nuam puau ah; tichun, la khutsuak thilteu chun ei sulungna’n, nang uh â ding ah thil phalo la kibawldaw ta zaw sek ui, Lalpa‘n a tii.

JEREMIAH 25:8

Ziaziakchun, sepai honte Lalpa chun zia gual hin a gen hi: Ka thu la ngai lo ziak un,

JEREMIAH 3:24

I neulai ua kipat khan, I pu leh pateu sepgimna gate, bawng honte, belam honte, a chanuteu leh, a chapateu natiang in, I mualpho zo tau hi.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 32:30

Israel mite leh Judai gam ah mipite chu, khangdawng ahi lai ua kipat ka mit mu ah thil phalo bawlte ngen a la hi’ngal un; Israel mipite chunle a khut un ka lungnatna ding ngen a bawl ta’ngal un, Lalpa‘n a tii.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 48:11

Moab chu a khangdawn lai ah kipat, nuam tak ah a la um, uain a hâi ah kiteilet ngailo a, um hiat hiat gual chu a la hi’n; sal ah mat khâk ah um ngai lo a la hi; ziaziakchun, a gim a dai pua’n, a gimtuina le suksiat ahi puai.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:21

Himaleh, a chateu chu ka chung in a hel tau a; ka thuguatte chu zui lo in, ka vaihawmnate chu mitin in a zui ua, a hinna ding uh chu zawm dingin a vop diak puau in; ka sabbath nite le a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

DAN LEKHABU 31:27

La kiphin nop dan uh leh la lochal dan uh ka he ngâl a. Tu’ni la kiang ua dam ah ka um lai ah bawn, Lalpa chung in la hel ua; ka thi’nung vang vang leh bang gual bep ah khawk in la hung hel ta bep ding awm maw!

DAN LEKHABU 9:24

Nanghaw ka hun het ni ah kipat in Lalpa thu dodâlte la hizing ui.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.