JEREMIAH 22:20 - PATHIAN LEKHABU THIANGTHO (BSI)

²⁰ Lebanon tâng ah kal to in kikodok unla, chuleh, Bashan ah chun la awu suau in; la gual ngaite a leng un suksiat ahi tâk ziak un, Abarim ah kipat chun kap jak tau in.

JEREMIAH 22:20 ပူးပေါင်းရင်းမြစ်များ

2 LENGTE 24:7

Babulon Lengpa chun Aigupta lui ah kipat Euphrates lui chanah Aigupta Lengpa thuneina gam chu a lâkpiak tâk ziakin, zia nung sia chu Aigupta Lengpa chu a gam ah kipat in a hung pawtdok kit ta puai.

ISAI 57:13

La patau phat uh leh, la milim lâk khawm haw chun hun hukdok tau hen! Hui in tokmang hen la, hu in mût mang ziang ta hen. Himaleh, keima ei bêl taphot chun, gam hi hun lua in, ka tâng thiangtho hi go in hun lua ta’n au.

JEREMIAH 2:25

La kengte chu kengtawdap bei ah vâksak lo ding leh, la dang keu lo dingin vêngtup zing in. Himaleh, nang in, “Kinem kin! Gam dangte hepi ka hi’n, amau chu delzui ding ka hi,” la ti hen.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 2:37

La kisuanpiteu chu Lalpa‘n a paithâk tak ziakin, amau ah kipat in zakcha’n hung pawtdok kit in la tiu in, amau jal in vangphatna mu pua’n lau.

JEREMIAH 22:22

La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 4:30

Aw nutsia ah um nang la, bang ding ah puan sandup ah kivan nalai ah, sana kijem nalai sêt ah, la mit lian tak ah jem nalai la hem? A thawn ah jem mai mai la hi. La ngaijawngte’n a hun simmawu hi, tha gua’n a hun hawl ui!

KÂ LATE 1:19

Ka ngainatte chu ka ko ah, himaleh, ei kilepsan tau; ka thiampute leh upate chun, amau hi’hal ding an a hawl lai un, khawpi sung in a thiden tau.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

EZEKIEL 23:22

Ziaziakchun, aw Oholibah, Lalpa Pathian in zia gual hin a gen hi: La dawichâkte ki’dak in hun siam ing ka tin, kil tin ah kipat nangma do dingin hungsak ding ka hi:

EZEKIEL 23:9

Ziaziakchun, a dawichâkte, a etlel pen Assuriate khutthak thoina dingin ka pia tai.

EZEKIEL 27:6

Bashan sasaw thingte chu longjapna mol dingin a bawl un; Kupra tuipi gei ah thing kiladok, long tuang ah siam chu saiha tuam ahi.

KISIMNA LEKHABU 27:12

Lalpa chun Mosi kiang in, “Zia Abarim mual ah hin kal to inla, Israelte kiang ah ka piakna ding gam chu vak en in,

DAN LEKHABU 32:49

“Moab gam ah Jeriko gâl tak ah, Abarim tâng dung ah Nebo tângvûm ah chun kal to inla, Israel suante luana ding ah ka piakna Kanaan gam chu vagâl thîl in;