JEREMIAH 22:18 - PATHIAN LEKHABU THIANGTHO (BSI)

¹⁸ Ziaziakchun, Lalpa chun Judai gam ah Josiah chapa, Lengpa Jehoiakim chungchâng ding thu zia gual hin a gen a: “Aw, ka suapipa!” Ahiloleh, “Katei, ka suapinu!” a hem ti’n ama cha sûn pua’n au. “Katei, Lalpa!” Ahiloleh, “Katei, a ja’umna chu!” ti inle ama chu sûn pua’n a.

JEREMIAH 22:18 ပူးပေါင်းရင်းမြစ်များ

2 SAMUEL 1:26

Ka suapi Jonathan, nang chung ah lungngai ka hi; kei â ding ah la ngainat um siat tawh! Lei hepina hi a mak talua’n, numeite hepina sâng in a thupi zawi.

1 LENGTE 13:30

Mithiluang chu ama thân khuk ngei ah chun a sial tai; chuleh, ama chu a sûn tau ah, “A khawk na e, ka suapipa!” a tiu in.

2 LENGTE 23:36

Jehoiakim chun vai a hawm pat kum ah chun, kum sawmni leh nga ah upa ahi tai; Jerusalem ah chun kum sawm leh khat sung vai a hawm ah. A nu chu Rumah khua ah um, Pedaiah chanu Zebidah ahi.

2 LENGTE 23:6

Tichun, Lalpa In ah Asherah milim umte chu a hun ladok ua, Jerusalem pawlam pek ah Kidron lui lam in a puau ah; zia Kidron luidung ah chun a hâl tum ua, a vâm chule a gawt buang dim diam ua, a mipite chate thân chung in a the’ tau hi.

2 LENGTE 24:6

Tichun, Jehoiakim chu a pu leh pate kiang in a ipmu ta’n; tichun, a chapa Jehoiakhin chun a thasâng in vai a hun hawm tai.

1 KHANGTHU 3:15

Josiah chapate chu: a upa pen Johanan, a pani’na chu Jehoiakim, a pathumna chu Zedekiah, a pali’na chu Shallum a hiu.

2 KHANGTHU 35:25

Jeremiah in Josiah sûnna La a la phuak ah, tu’ni tiang hin pawsal Lasak thiam leh numei Lasak thiamte chun Josiah chu kâ La’n a awi nalai uh ahi. Zia chu Israelte lak ah chîndan ngai gual in a hun mang theng tau a, zia La te chu kâ La te lak ah zik lut in a um ta ahi.

2 KHANGTHU 36:5

Jehoiakim chu kum sawmni leh nga ahi in vaihawm in a pang pan ah; Jerusalem khua’ chun kum sawm leh khat sung vai a hawm hi. Lalpa a Pathian mit mu ah diklo tak in thil a bawl hi.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 16:6

Zia gam ah milian leh mineu chule thi gêl intiu in, vui hipua’n tiu in, kuama’nle sûn pua’nau; amau thi ziakin kuama ki-âtliam leh sam metkol le um diak pua’nau.

JEREMIAH 21:11

Judah Inkuan ah lengpa kiang in zia gual hin gen in: Lalpa thugen hi a la ngai un.

JEREMIAH 22:10

Mithite chu kâ kiu inla, sûn diak kiu in; hung kile’kit ah a piannau gam mu kit talo ding ah, pui mang ah umte chu kâ zaw tau in.

JEREMIAH 22:12

sal ah a puimangnau mun ah chun hung thiden ta’n tin, zia gam hi hung mu kit talo ding ahi, ti in.

JEREMIAH 34:5

thamuang tak in thi ding la hi. Nang masang ah leng a la hita te, la pu la pate â ding ah gimtui a la hâl sek gual un; zia gual ma chun, nang chung ah le gimtui hun hâl in, hun sûn intiu in, “A khawk na e, Lalpa!” hun ti ding ahiu. Zia gual chu hiding in thu ka la gen zawsa ahi tai, Lalpa‘n a tii.

JEREMIAH 36:30

Ziaziakchun, Judai gam ah Lengpa Jehoiakim chungchâng thu ah Lalpa‘n zia gual hin a gen hi: David lalchutpha kitung ding mi khat chale nei pua’n tin; chuleh, a luang chule vui lo pai lo ah sun nisa’n kang in, dâi janchâm in chap in a.