JEREMIAH 22:17 - PATHIAN LEKHABU THIANGTHO (BSI)

¹⁷ Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 22:17 ပူးပေါင်းရင်းမြစ်များ

1 LENGTE 21:19

A kiang ah zia gual hin la gen ding ahi: “Lalpa‘n zia gual hin a gen hi: La that ta’n; chuleh, la kichan a hita maw?” ti’n. A kiang in, “Lalpa‘n zia gual hin a gen hi: Uichate’n Naboth thisan a la liakna mun ua khan, nangma thisan le uichate’n liak ding a hiu,” ti in.

2 LENGTE 23:37

Ama hinle a pu leh pate dungsûn in a thilhiteu chu a zui ah, Lalpa mit mu in thil diklo takte a bawl hi.

2 LENGTE 24:4

chuleh, mi bangma suse lo thisan chu a sua a; mi bangma suse lote thisan chu Jerusalem lam ah a dimsak tâk ziakin; zia chu Lalpa‘n a ngaidam nuam ta puai.

2 KHANGTHU 36:8

Tu’hin, Jehoiakim thil bawl dang dangte tawh, a thil bawl ki’dak um tak tak te leh, a thil bawl diklo zosiate chu, Judai gam leh Israel ah Lengte chanchin zikna Lekhabu’ chun zik lut ahi tai; chuleh, a chapa Jehoiachin chu a thasâng in a hung pang tai.

JOB LEKHABU 31:7

Lampi nusia ah pêt mang hin, ka mit in a mu taphot ah lunggel mai a la hi’n, ka khut nasep ah demkâi a la hita leng,

SAM 10:3

Mi nunsia’n a duthusam chu a kisaktheipi in, lawkna ding hawl ah du-âmte chun Lalpa chu hânsialaw in, a pâmpai sek ui.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

THUPILTE 24:2

a lungthim un thil phalo a suangtuau a, a mûk un thu phalo bep a gen ngal un.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

JEREMIAH 17:11

Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 6:6

Sepai honte Lalpa‘n zia gual hin a gen hi: A thingteu chu phuk un; Jerusalem bulu’na ding panmun siam un. Zia khawpi hi gawt tei tei hiding ahi, a sung ah kipawng bawlna lo’ngâl, bangma dang a um paw’ngâl a.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

EZEKIEL 18:12

genthei leh tasamte gawt hen la, mi suam hen la, a bat dit ki’hen la, milimte lam nga hen la, thil ki’dak um tak bawl hen la,

EZEKIEL 19:6

Sakeibaknei hon lak in a vâkvel ah, sakeibaknei tuaidawng a hung hita’n; samat dan a thiam ta’n, mihingte a hun ne tai.

EZEKIEL 19:7

A kulpiteu a phia’n, a khawpiteu a susia gam tai; a ngîk git lau ziakin gam leh, a sung ah chêng zosia lau in a lungdong zo tau hi.

EZEKIEL 19:9

Thikkol but pum in a bawm in a khum un, Babulon lengpa kiang a pui tung tau hi; Israel tâng chung ah a aw het ahi kit tâklo’na dingin, vêngtu nuai in a koi tau hi.

EZEKIEL 22:6

Nangma ah Israel lengte, a thil hi’thei dan gual chiat ua thisan sua dingin a um ui.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

MIKAH 3:10

Thisan ah Zion siam ah, Jerusalem dukdak lo’na suate haw!

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

ROMTE 1:29

Tichun, diklona zosia: Tatsualna tinchengte, nunsiatnate, îtsiknate, du-âmnate, huaihapnate, tualthanate, kinialnate, mithep hatnate, kidawha bawlnate, kihoguk hatnate,

1 KORINTH 6:10

guchate, huaihapte, zukhamte, mi vau mangte leh mi suamte chun Pathian gam lua pua’n au.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.