JEREMIAH 22:16 - PATHIAN LEKHABU THIANGTHO (BSI)

¹⁶ Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 22:16 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

SAM 109:31

Tasamte panpi vak ding leh a thi’na ding ua, thiamlo chansakte khut ah kipat a hukdaw ziakin.

SAM 36:10

Aw, nangma hun hete chung in, la ngilneina latsak pek inla; lungthim dik tak pute chung in, la hukdamna latsak pek in!

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

THUPILTE 31:9

Amau â dingin thu gen inla, dik tak in vaihawm inla; migentheite leh tasamte chu khawtua in.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 17:6

Khawvel ah kipat nangma’n lei piak mite kiang in la min ka hi’lang tai. Amau haw chu nang â a hiu in, nang in amau haw chu kei lei piak ahi’n; amau in la thu a zawm tau hi.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.