JEREMIAH 22:15 - PATHIAN LEKHABU THIANGTHO (BSI)

¹⁵ Sidar thing In la kisak ziak ah, leng hi mai ding la hem? La pa khan ne leh dawn ah, dik tak ah vaihawm hilo a hem? Zia chu ama â dingin a pha ahi.

JEREMIAH 22:15 ပူးပေါင်းရင်းမြစ်များ

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

2 LENGTE 22:2

Ama hin, a pa David lampi a haw ah; Lalpa mit mu in thil dik tak in a bawl ah, a veilam leh a changlam inle a pêtmang kha him him puai.

2 LENGTE 23:25

Ama gual hi a masang in Leng dang him him a um kha nai puau ah, ama hi a lungthim zosia ah Lalpa lam nga chu ahi; tichun, a hinna zosia tawh, a hatna zosia tawh, Mosi dan dungzui takah tawi in a um ah, ama nung inle ama tawhbang Leng hi a um kit kha nai puai.

1 KHANGTHU 3:15

Josiah chapate chu: a upa pen Johanan, a pani’na chu Jehoiakim, a pathumna chu Zedekiah, a pali’na chu Shallum a hiu.

2 KHANGTHU 34:2

Lalpa mit mu ah thil dik a bawl ah, David lampi a zui hi; tichun, changlam a hem, veilam a hem in a pêt mang puai.

2 KHANGTHU 35:22

Himaleh, Josiah chun a kiheimangsan nuam pua’n, ama chu a do theina dingin a mêl a siam lamdang zaw bawn nalai sêt ah. Neko kam ah Pathian thu kigen chu ngaisak lo in, Megiddo phâijawl ah kidona chun a vapang tai.

2 KHANGTHU 35:26

Josiah nasep thilbawl dang zosia chule, Lalpa Dan Lekhabu kizik dungzui ah ginum tak ah a bawl haw zosia tawh,

THUPILTE 20:28

Thutakna leh ginumna’n lengpa chu a vêng bit sek in, a lalchutpha chu diktatna dopsan in a um hi.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUPILTE 25:5

lengpa âng ah kipat in migilo chu pui mang lechin, a lalchutpha chu diktatna phudet in um ding ahi.

THUPILTE 29:4

Thu dik ah vaihawmna’n lengpa’n a gam sung a phudet in, du-âm ziak ah gik tak ah liausaktu chun, a gam a kai chim sek hi.

THUPILTE 31:9

Amau â dingin thu gen inla, dik tak in vaihawm inla; migentheite leh tasamte chu khawtua in.

THUGENTU 10:17

Aw gam, la na a vak hi; la leng chu milian ja’um ahi; la leng chapate’n khamna ding hilo, hatna dingin, a hunbî tak tak in luaithe’na a siam ui!

THUGENTU 2:24

Mihing â dingin ne leh dawn ah um ah, a sep gimnau ah kipakna a mu khêl ua thil phazaw a um puai. Zia hile Pathian khut ah kipat bep ahi ti chu ka mu ta’n;

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

ISAI 33:16

zia gual mite chu munsâng leh, thawveng ah chêng intiu in; a kisêlnau chu suangpi lak ah kulte chu hi’ntin, a nêk ding uh piak hizing intiu in, a tui dawn ding uh kang ngai pua’n a.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 22:18

Ziaziakchun, Lalpa chun Judai gam ah Josiah chapa, Lengpa Jehoiakim chungchâng ding thu zia gual hin a gen a: “Aw, ka suapipa!” Ahiloleh, “Katei, ka suapinu!” a hem ti’n ama cha sûn pua’n au. “Katei, Lalpa!” Ahiloleh, “Katei, a ja’umna chu!” ti inle ama chu sûn pua’n a.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 42:6

Lalpa ka Pathian thuu ka mat ua, kei uh â ding ah thilpha a hitheina dingin, Lalpa ka Pathian uh aw he ding ah ka hun sawlnau thu chu, a pha hi’n, a sia hileh mang him him ing kau,” ti’n a dawnhu tau a.

JEREMIAH 7:5

La umdanteu leh la thilbawl danteu la siamphat chiat ua, mimal tin kikâl ah dikna a um phat leh,

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

DAN LEKHABU 4:40

Nanghaw leh la nung ua la tû leh chateu â ding ah thilpha ahi theina ding leh, Lalpa la Pathian un a hun piakna gam ah la um sawt theina ding un, tu’ni ka thupiak dungzui ah hin ama dan leh a thupiakte chu zawm tau in.