JEREMIAH 22:11 - PATHIAN LEKHABU THIANGTHO (BSI)

¹¹ Judai gam ah leng Josiah chapa Shallum, a pa Josiah thasâng ah pang, pui mang ah umpa chungchâng thu Lalpa‘n zia gual hin a gen hi: Zia lam ah hin hung kit ta pua’n tin,

JEREMIAH 22:11 ပူးပေါင်းရင်းမြစ်များ

2 LENGTE 23:29

Ama hun lai ah chun, Aigupta ah Lengpa Pharaoh Neko chu Euphrates luidung ah chun, Assuria Lengpa tawh kido dingin a hung kuan to a; Lengpa Josiah chule Pharaoh Neko do dingin a kuan ah, a kido phat un, Pharaoh Neko chun Megiddo mun ah chun a that tai.

2 LENGTE 23:30

Megiddo ah kipat chun a suakte chun a sakol kângtalai in Jerusalem a hun paw tung ua, ama thân in a vui tau hi. Ziaphatchun, mipite chun Josiah chapa Jehoahaz chu a hun pui ua, sathau a nuu’ ah, a pa thasang ah Leng in a pansak tau hi.

2 LENGTE 23:31

Jehoahaz in vai a hun hawm pat kum ah chun, ama chu kum sawmni leh thum ah upa a hita’n; Jerusalem ah chun tha thum vai a hawm ah. A nu chu Libnah ah um Jeremiah chanu Hamutal ahi.

2 LENGTE 23:34

Chuleh, Pharaoh Neko chun Josiah chapa Eliakim chu a pa thasâng ah leng dingin a siam ah; a min chu Jehoiakim ti’n a then piak ah, Jehoahaz chu Aigupta lam in a pui mangah; zia tak ah chun a hung thi den tai.

1 KHANGTHU 3:15

Josiah chapate chu: a upa pen Johanan, a pani’na chu Jehoiakim, a pathumna chu Zedekiah, a pali’na chu Shallum a hiu.

2 KHANGTHU 28:12

Zia bep chule hilo in, Ephraim phung ah luchang deu deu, Johanan chapa Azariah, Meshillemoth chapa Berekiah, Shallum chapa Jehizkiah tawh Hadlai chapa Amasa cheng hi, galdona lam ah kipat hung kile’kitte nialkãl in a hung dingdok un;

2 KHANGTHU 34:22

Tichun, Hilkiah tawh lengpa’n a mi sawlteu chu jawlnei Huldah kiang in a vachiau ah; ama chu Shallum ji ahi’n, a pawsal chu Hasrah chapa Tokhath chapa, tempul ah nîk leh puan enkol ah pang sek ahi’n (Jerusalem khua chênna mun Pani’na chu chêng ahi;) zia nu kiang ah chun zia thu chu a vagen tau a.

JEREMIAH 22:27

Himaleh, kile’kit a nop ma ma nau gam lam ah chun vang, kile’kit ta pua’n au.

ZEPHANIAH 1:1

Judai gam ah Ammon chapa Leng Josiah hun lai in, Hezekiah chapa, Amariah chapa, Gedaliah chapa, Kushi chapa Zephaniah kiang in Lalpa‘n zia gual hin thu a hun gen a: