JEREMIAH 21:9 - PATHIAN LEKHABU THIANGTHO (BSI)

⁹ Zia khawpi sung ah um taphot chu chemjam in, kial leh hîpi’n thi’n au; ahi’n la, hung pawtdok ah, a hun ûm kîmvêl Kaldaite kiang ah kipia lut tapo chu hing intiu in; tichun, a hinnau chu kido’na man dingin hinghoi hita’n au.

JEREMIAH 21:9 ပူးပေါင်းရင်းမြစ်များ

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 21:7

Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

JEREMIAH 27:11

Himaleh, Babulon lengpa ngawngkol bât ah, a na sep piak nuam tapo chu, a gam chiat un nusia ing ka tin, a lou chiat uh kithaw in, hing in au, Lalpa‘n a ti ahi.

JEREMIAH 27:12

Judai gam ah Lengpa Zedekiah kiang inle zia gual hin ka gen tai: Babulon lengpa ngawngkol bât unla, ama leh a mipite na chu sêm un la khawsau in.

JEREMIAH 27:13

Babulon lengpa na sêm nuam lo taphot chungchâng ah Lalpa‘n a la gensa gual ngei in, bang ding ah chemjamte, kialte leh natpite ah nang leh la mipite thi mai ding la hiu em?

JEREMIAH 38:2

Lalpa‘n zia gual hin a gen hi: Kuale zia khawpi sung ah umden taphot chu, chemjam, kial leh natpi’n thi ding a hiu; ahi’n, kuale Kaldaite khut ah kipedok ziang tapo chu hing intin, a dam sung siau chu gâlhing mat gual ah um in, hing ding a hiu.

JEREMIAH 38:3

Lalpa‘n zia gual hin a gen hi: Zia khawpi hi Babulon lengpa khut ah piak in um intin, la ngei ngei ding ahi, a tii ti in.

JEREMIAH 39:18

Matheilo in hun hukdok tei ding ka hiziak in, chemjam ah thâlup in um pua’n la; keima lei ginchâk ziakin la hinna chu gâl lâk ah taidok gual in um ta’n la, Lalpa‘n a tii, ti in.

JEREMIAH 45:5

Nang in, nang â ding ah thil thupi tak hawl la hi em? Zia gual chu hawldâ mai in; mi zosia chung ah siatna hun tun ding ka hi’ngal a, Lalpa‘n a tii; himaleh, mun tin ah la chiana taphot ah, nangma â ding ah la phatna dingin la hinna hun pia’ng ka,” ti in a gen tai.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.