JEREMIAH 21:7 - PATHIAN LEKHABU THIANGTHO (BSI)

⁷ Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, Lalpa‘n a tii, ti in.

JEREMIAH 21:7 ပူးပေါင်းရင်းမြစ်များ

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 15:5

Aw Jerusalem, kua’n hun lainat a, kua’n hun sûn ding ahi tam? Kua’n hung kihei ah la chanchin, hung kan ta ding a hem?

JEREMIAH 15:9

Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 22:25

tichun, la hinnau chu a hun hawlte khut ah pûk lut ding la huphul ma mau leh, Babulon lengpa Nebukadrezar khut leh, Kaldaite khut ngei ah chun hun pelut ding ka hi.

JEREMIAH 27:6

Tu’hin, ka suak Babulon Lengpa Nebukadnezar khut in zia gam zosia hi tawh, a sung ah sa zosia hile ama nasêm ding ah ka piaksa a hi tai.

JEREMIAH 32:4

Judai gam ah Lengpa Zedekiah chule, Kaldaite khut ah kipat suakcha pua’n tin, Babulon lengpa khut ah piak in um in a; tichun, kimai tua ah kiho in, a mit ngei in mu ding ahi;

JEREMIAH 34:3

Nangmale a khut ah kipat in suakcha lo hial ding la hi; mat in um tei tei in la tin, a khut ah piakdaw in hung um inla; Babulon lengpa chu la mit ngei in mu’n la tin, ki-entua in holim ding la hiu; chuleh, Babulon lam ah chia ding la hi.

JEREMIAH 36:29

Chuleh, Judai gam ah Lengpa Jehoiakim chungchâng thu zia gual hin gen in: Lalpa‘n zia gual hin a gen hi: Babulon lengpa hung intin, zia gam hi hisia’n, a sung ah mihing hileh, ganchate a leng un suchigap ding ahi ti ah lekhabu kizik chu hâltum ngam la hi maw?

JEREMIAH 37:17

Ziaphatchun, Lengpa Zedekiah in a ko ah, pha tak in a la lop a. Lengpa chun a In sung ah a guk in a kiholimpi ah, a kiang in, Lalpa‘n bang a gen mawng mawng em ti’n a dong a. Jeremiah in, Lalpa‘n thu a gen hi! Nangma hi Babulon lengpa khut ah piakdaw hiding la hi, ti’n a dawnhu a.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

KÂ LATE 2:20

Aw Lalpa, hun en inla, ngaitua tia! Kuate chung ah zia gual hi bawl la hem? Numeite’n amau gil ah ga ngei, a nau awi laiteu sa chu, ne mai ding a hitau em? Thiampu leh jawlnei chu, Lalpa mun thiangtho ah, tha ah um ding a hiu em?

KÂ LATE 2:22

Kil tin ah kipat ka mêlmateu chu, kût thupi tak ah pang ding gual in, la chial khawm a; Lalpa lungnatna ni ah chun, hingle a hingdok puau, ka hin leh ka dot seilette chu, ka mêlmate’n a that gam tai.

EZEKIEL 23:28

Lalpa Pathian in zia gual hin a gen ta ngâl a: La mi huat ma ma te khut in hun pia’ng ka tin, la ki’dak ma ma te khut in pûk lut inla;

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

EZEKIEL 9:10

Ke’n vang kimulosak pua’ng ka tin, daidawp diak pua’ng ka; a thilbawl dungzui un a luchung un tunsak zaw ta’ng ka,” a hun ti tai.

DAN LEKHABU 28:50

têksete ja’na neilo leh khanglaite le doichuamna nei diak lo, mêl lau um tak namte hun sawl ding ahi.