JEREMIAH 21:2 - PATHIAN LEKHABU THIANGTHO (BSI)

² “Babulon Lengpa Nebukadrezar in ei do tâk mai hi, Lalpa‘n ei panpi dingin ei dot piak in; Lalpa‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

JEREMIAH 21:2 ပူးပေါင်းရင်းမြစ်များ

THILSIAM THU 10:10

A hung lal patna chu Shinar gam ah Babel khua, Erek khua, Akkad khuate hi ahi.

2 LENGTE 1:3

Himaleh, Lalpa vansawlchâk in Tishbi mi Elijah kiang in, “Kipan inla, Samaria lengpa thupawtute lamtua dingin vachia in, a kiang un, ‘Israel ah Pathian a um pua a hem, Ekron pathian Baal-zebub kiang ah thudong ding ah la chia ziang uh?’ ti’n vagen in.

2 LENGTE 17:24

Apharva-im ah kipatte chun mi a pui khawm ah, Israel chate umna mun, Samaria khawpite chun Israelte thasâng in a umsak ta’n; Samaria gam thilte chu chang in a khawpite chun a chêng tau hi.

2 KHANGTHU 32:21

Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

PAWTDAWNA THU 9:28

Van-gi leh gialpi thupi takte hi a tawp theina dingin Lalpa kiang ah don in. Hun chiasak ta’ng ka tin, hun khâm ta pua’ng ka,” a tia.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

JEREMIAH 15:11

Lalpa‘n zia gual hin a gen hi: La phatna dingin la hinna ka hun sukha, la buai lai leh la lungjin lai in la chung ah la mêlma dingte ka hun guat khum ahi.

JEREMIAH 21:3

Ziaphatchun, Jeremiah in a kiang un:

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 34:1

Babulon Lengpa Nebukadrezar leh a sepai zosia chun, khawvel ah lenggam zosia leh, a lenggam sung ah mipi zosiate chun Jerusalem khua leh a khawpel zosia a do lai tak un, Lalpa‘n zia gual hin Jeremiah kiang in thu a hun gen a:

JEREMIAH 37:17

Ziaphatchun, Lengpa Zedekiah in a ko ah, pha tak in a la lop a. Lengpa chun a In sung ah a guk in a kiholimpi ah, a kiang in, Lalpa‘n bang a gen mawng mawng em ti’n a dong a. Jeremiah in, Lalpa‘n thu a gen hi! Nangma hi Babulon lengpa khut ah piakdaw hiding la hi, ti’n a dawnhu a.

JEREMIAH 37:3

Lengpa Zedekiah chu Shelemiah chapa Jehukal tawh, Maaseiah chapa Zephaniah thiampu chu jawlnei Jeremiah kiang ah, “Lungsiat in Lalpa I Pathian kiang un ei pauchap piak in,” ti’n a vadotsak hi.

JEREMIAH 37:7

Israelte Pathian, Lalpa chun zia gual hin a gen hi: Judah lengpa, kei ei dong ding ah nang uh teni hun sawlpa kiang in, nanghaw panpi ding a hung kuan Pharaoh sepaite hi a gam lam uh, Aigupta lam ah kile’kit ngâl ding a hiu.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

VAIHAWMTE 20:27

Tichun, Israelte’n Lalpa a dong tau ah, (zia hun ah chun Pathian thuthung thingkuang chu zia mun ah chun a um a;

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 28:15

Ziaphatchun, Samuel in Saul kiang ah chun, “Bang ding ah ei subuai mai mai ding bep ah ei kodok la hi em?” a hun tia. Saul in, “Philistinte’n ei do un, Pathian in lah ei nusia ta’n; mang lam hileh, jawlneite mang inle ei dawnhu nuam ta pua’n, ka lung a kham ma ma phatin, nang in ka bawl ding ei hil lechin tia, hung ko ka hi,” ti’n a dawnhu a.

1 SAMUEL 28:6

Saul in Lalpa kiang ah thu a dot phatin, Lalpa‘n mang lam hileh, Urim hileh jawlneite mang inle a dawnhu ta puai.