JEREMIAH 21:14 - PATHIAN LEKHABU THIANGTHO (BSI)

¹⁴ La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 21:14 ပူးပေါင်းရင်းမြစ်များ

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

THUPILTE 1:31

ziaziak chun, la gamtatnau ga kinêk in la tiu in, la thilbawlteu ma chun hun hi’lungjing in a.

THUPILTE 12:14

Min a kam thiam man kinêk intin; a khut sepgim man chu piak hi’n a.

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 24:21

Zia ni phat chuleh, van mun ah chun, van sepai honte leh, lei ah lalte chu lei chung ah hin, Lalpa‘n hun gawt ta’n a.

ISAI 37:24

La suakte mang in Lalpa chu la hosia ta’n: Ka sakol kângtalai tam tak tawh, mual sangte ah ka kaldok in, Lebanon tâng sânna pen tiang ka tung in; a sidar thing sâng pente chu ka phûk pai in, a châk thing îtchâk um cha cha chu ka phûk pai hi; a tângvûm gamla pen tiang ka tung in, a gammâng phatna pente chu ka tung hi.

JEREMIAH 11:16

Tu’ma lam ah khan Lalpa‘n, “Oliv thinghing, ga pha leh hoi,” ti min a hun sak ah. Ahi’n, tu’hin vang van-gi tawh mei in hun hâl intin, a bakte chu kâng tum ta’n a.

JEREMIAH 11:22

Sepai honte Lalpa chun zia gual hin a gen hi: Amau chu gawt ding ka hi; tangvalte chu chemjam ah thi’n tiu in, a chanuteu leh a chapateu chu kial thi in au;

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 22:1

Lalpa‘n zia gual hin a gen a: Judai gam ah lengpa In ah chia suk inla, zia thu hi vagen inla;

JEREMIAH 22:7

A gâlvan ua kithuam ah, nang hun susia dingte chu, hun guanggal ding ka hi; la sidar thing doichuamte chu phûk in, meikuang lak ah pai lut in au.

JEREMIAH 32:19

la lemguat dan a mak ah, la thilbawl dan a lopi hi; la mit chun mihingte tawidan zosia a mu suak ah, mi tin chu a tawidan dungzui leh a thilbawl uh tawh kigûn tak ah thuk zing sek la hi.

JEREMIAH 46:23

A gam mang uh vâk lut theilona khop chu, hun vât nâm ding a hiu, Lalpa‘n a tii; amau chu khaubepi sâng ah tam zaw a hiziak un, simsên ding gual a hipuau hi.

JEREMIAH 50:32

Mi kiletsak chu kisui intin, kuama a kaitho ding umlo in kipuk ding ahi; a khawpite chu mei ah hâl ing ka tin, a kîmvêl ah um zosia kâng tum ding ahi.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

JEREMIAH 6:29

Pum chu hajap in a jap un, ngên chu mei in a kângtui tai; mi nunsiate chu la paidaw ahi diak lo ziak un, sukthian guatna chu a thawn ahi.

JEREMIAH 9:25

A zekvun bep uh tan ah, a lungthim zektanlote chung thu ka ngaituana ding nikhua chu hung tung tei tei ding ahi Lalpa‘n a tii.

KÂ LATE 2:3

Israel mi hat zosia a lungnatna, puangjak chun a pai tha ta’n; a mêlmateu âng ah a panpi’na, khut changlam a juk tha tai; Jakob ah meikuang gual in, a kîmvêl ah um zosia kâng tum in a hâl tai.

EZEKIEL 21:3

Israel gam kiang in: Lalpa‘n zia gual hin a gen hi ti’n: Nanghaw do in ka hung kuan hi, ka chemjam a pâi ah kipat jukdok ing ka tin, la lak ua midik hi’n mi nunsia hileh, sât tan sik sek ding ka hi.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

ZEKARIAH 11:1

Aw Lebanon, la kot uh hong un; tichun, la sidar thing sângte chu, mei in a kât tum theina dingin!