JEREMIAH 21:13 - PATHIAN LEKHABU THIANGTHO (BSI)

¹³ Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, Lalpa‘n a tii.

JEREMIAH 21:13 ပူးပေါင်းရင်းမြစ်များ

SAM 125:2

Tângte’n Jerusalem a ûm vêl gual in, Lalpa chu a mite kîmvêl in a um sek hi, tu’ kipat kumtuang tiang in.

PAWTDAWNA THU 13:20

Sukkoth ah kipat in a kipandok ua, thalêk gamthip lam gamgi chin Etham mun ah chun a giak tau a.

PAWTDAWNA THU 13:8

Zia ni chun la chateu kiang in, ‘Aigupta gam ah kipat ka hung pawt daw lai ua ei uh â ding ah Lalpa’n ei bawlpiakte ziakin zia thil hi bawl ahi,’ ti’n la hil sek diu ahi.

ISAI 22:1

Kilâkna Phâijawl chung châng thu chu: Bang ding ah la leng ua In chungvûm ah kal to la hiu ah,

JEREMIAH 17:3

La gam pumpiu ah la hausaknau zosia tawh, la go thil nei zosiau chu, la gitlo man un gâl lâk sum ah midangte hun chom nâmsak ding ka hi.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 49:16

Nang, kawl suangpi lak ah chêng a, tângsâng chung ah thuneipa, tizat umna la chaw’phul leh, la lungthim kiletsakna chun, a hun thêm pûk ta la hi chu! Mupi gual in sâng tak in bu sia male chin, zia kipat chun hun latha tho tho ding ka hi, Lalpa‘n a tii.

JEREMIAH 50:31

Aw kiletsakpa, ka hun do la hi, Lalpa, Sepai honte Pathian chun a tii; ka hun gawtna ding hun, a ni chu a hung tung ta’ngâl a.

JEREMIAH 51:25

Aw tâng, khawvel pumpi hisetu, ka hun do la hi, Lalpa‘n a tii; nangma do dingin ka khut hun lâm ing ka tin, kênliang ah hun lîktha’ng ka tin, tâng kihâl châi in hun siam ding ka hi.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

KÂ LATE 4:12

Lei ah lengte leh mi zosia’n, Jerusalem kotpite ah mêlma dogâlte lut ding chu, a gingcha kha puau hi.

EZEKIEL 13:8

Ziaziakchun, Lalpa Pathian in zia gual hin a gen hi: Bangma mulo in zuau thu bep la gen ziak un, ka hun kãl la hiu, Lalpa Pathian in a ti ahi.

EZEKIEL 21:3

Israel gam kiang in: Lalpa‘n zia gual hin a gen hi ti’n: Nanghaw do in ka hung kuan hi, ka chemjam a pâi ah kipat jukdok ing ka tin, la lak ua midik hi’n mi nunsia hileh, sât tan sik sek ding ka hi.

EZEKIEL 34:10

Lalpa Pathian in zia gual hin a gen hi: Belampute chu ka do hi; a khut un ka belamte man chu hun sîk ing ka tin, ka belamte vâk ah a pannau haisak ing ka; ka belamte kivâkna’n mang ta pua’n au. A nêk kit tâk lona ding un, a kam ua kipat in ka belamte ladok ing ka, ti in.

EZEKIEL 5:8

Lalpa Pathian in zia gual hin a gen hi: Keima, keima ngei hi, nangma dodâl dingin ka hung hi; nam dangte mit mu in la chung un vai hun hawm ding ka hi.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

NAHUM 2:13

Sepai honte Lalpa chun, “Ngaitia, nangma kãl in ka pang in, la sakol kângtalaite chu hâlkhu veng vung ing ka tin, la chemjam hiamte chun, sakeibaknei note chu that gam ding a hiu; lei chung pumpi ah kipat in la sa mat zosia hun lâkpiak sik sek ding ka hi’n; chuleh, la thangkote aw git chu het hita pua’n a,” a tia.