JEREMIAH 21:12 - PATHIAN LEKHABU THIANGTHO (BSI)

¹² Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 21:12 ပူးပေါင်းရင်းမြစ်များ

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

JOB LEKHABU 29:17

Midiklote hatna chu ka suksiat piak ah, a hau ah a pesau chule ka lakdaw piak in.

SAM 101:8

Gam sung ah mi nunsiate hi jingkal si’n in, hi’mangthai ing ka tin; Lalpa khawpi kipat thil phalo bawl zosiate, paitha sik sek ding ka hi.

PAWTDAWNA THU 18:13

Chuleh, a jing ah Mosi mipite vaihawm piak ding ah a hung kichut phatin, mipite chu jingkal ah kipat nitâk tiang in Mosi kiang in a ding kual ua.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 7:13

Ziaphatchun, Isai in: Aw David Inkuan ah mite haw, zia hi he tau in! A thi thei mihing mai mai suklunggim hi, thil mai mai in la ngai ua a hem, ka Pathian nasan suklunggim la gaw nalai sêt un?

ISAI 7:2

Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 21:5

Keima ngei in khut hat tak lâm in, lungna tak leh thangtawm leh lungso tak in hun do ding ka hi.

JEREMIAH 23:19

En un, Lalpa thigawpi chu! Chîmpei huaisia tak gual in, a hachang thakna chu a pawt tai! Mi nunsiate luchung in hung puakjak in a.

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 44:22

La thil phalo bawl uh leh, la thil ki’dak um bawlteu hi, Lalpa‘n a en pei ta puai; ziaziakchun, la gam uh chu nutsia ah um leh a hawm, a chêng um talo ah tu’ni tiang ah um khawlaw a hita hi.

JEREMIAH 5:14

Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

JEREMIAH 7:5

La umdanteu leh la thilbawl danteu la siamphat chiat ua, mimal tin kikâl ah dikna a um phat leh,

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 22:31

Ziaziakchun, ka lungnatna ka but khum ta’n; ka lungnatna mei in ka hâltum tai; a umdan dungzui un ka thuk ta ahi, Lalpa Pathian in a ti ahi,” ti’n a gen a.

THIAMPUTE LEKHABU 26:28

lungna tak in nang uh lang in umzing ing ka tin, la gitlonau a le’sagi’n hun thuk ding ka hi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

ZEPHANIAH 3:5

A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.

LUKA 1:69

A suak David In sung ah kipat in ei uh â di’n, hukdampa hat tak a hun tungdok tai;

ROMTE 13:4

Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.