JEREMIAH 21:10 - PATHIAN LEKHABU THIANGTHO (BSI)

¹⁰ A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

JEREMIAH 21:10 ပူးပေါင်းရင်းမြစ်များ

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

SAM 34:16

Thil phalo bawlte het zingna, lei ah kipat hi’mangthai dingin, Lalpa mai chun a do zing hi.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

JEREMIAH 34:2

Israelte Pathian, Lalpa chun zia gual hin a hun gen a: Chia in la, Judai gam ah Lengpa Zedekiah kiang in zia gual hin vagen in: Lalpa‘n zia gual hin a gen hi, vati’n: Zia khawpi hi Babulon lengpa khut ah pia ding ka hi, ama chun mei in hâl tum in a.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 38:17

Ziaphatchun, Jeremiah in Zedekiah kiang ah chun, “Lalpa, sepai honte Pathian leh Israelte Pathian chun zia gual hin a gen hi: Babulon lengpa milian leh lalte mai ah la kipiak lut leh la hinna hukhin hi’ntin, zia khawpi hile mei ah hâl tum hipua’n tin, nang leh la Inkuan mite chu hing in lau.

JEREMIAH 38:18

Himaleh, Babulon lengpa milian leh lalte nuai ah la kipiak lut nop lo chun, zia khawpi hi Kaldaite khut ah piak lut hi’ntin, mei ah hâl tum in, nangma ngei le a khut ua kipat in suakcha him him pua’n la, ti’n a gen hi,” a tia.

JEREMIAH 38:23

La jiteu leh la chateu zosia chu Kaldaite kiang ah kaidok intiu in, nangmale a khut ua kipat in suakcha pua’n la tin, Babulon lengpa’n hun man in a; chuleh, zia khawpi hile hâl tum hi’n ah, ti’n a gen a.

JEREMIAH 38:3

Lalpa‘n zia gual hin a gen hi: Zia khawpi hi Babulon lengpa khut ah piak in um intin, la ngei ngei ding ahi, a tii ti in.

JEREMIAH 39:16

Chia inla, Ethiopia mi Ebedmelek kiang in: Israelte Pathian, Sepai honte Lalpa chun zia gual hin a gen hi vati’n: Zia khawpi chung ah thilpha hilo, a sia bawl ding ti ah ka gensa zosia chu hi, buting ngei ngei ding ka hi; zia guitunna chu nangma mit ngei in mu ding la hi.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 44:11

Ziaziakchun, sepai honte Lalpa, Israelte Pathian chun zia gual hin a gen hi: Judai gam pumpi tawpna ding leh la chung ua siatna huaisia tak tunsak ding ka gaw ta ahi.

JEREMIAH 44:27

A phatna ding uh hilo, a siatna ding un amau chu chânggu zing ding ka hi; Aigupta gam ah Judah mite zosia chu, pakhat chale hawi lo in, chemjam leh kial in that gam sik sek ding ka hi.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

EZEKIEL 15:7

Amau do in a lam uh nga’ng ka tin; meikuang lak ah suakcha maleu, meikuang dang in kâng tum intin; amau do ding ah a lam uh ka ngat phat leh, Kei hi Lalpa chu ka hi ti he ta’n lau.

EZEKIEL 24:11

Sumbêl a hung sat ah, a khîk leh a tuiêk a kat tum ah, a bêl a val theina dingin, meihol âm chung in suang un.

THIAMPUTE LEKHABU 17:10

Kuale, Israel Inkuan lak ah mi a hem, gam dang mi la lak ua chêng a hem in, thisan a nêk khak chun, zia mihing chu do ing ka tin, ama chu a mite lak ah kipat in paitha ding ka hi.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

AMOS 9:4

A mêlmateu âng in sal ah lût maleu, zia tak ah chun chemjam thu pia’ng ka tin, amau chu that in a; a phatna ding uh hilo, a siatna ding un a chung ua ka mit nga’ng ka.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.