JEREMIAH 20:8 - PATHIAN LEKHABU THIANGTHO (BSI)

⁸ Thu ka gen phot leh ka kikojak in, “Kipawngbawlna leh suksiatna ngen ahi!” ti’n kikojak ding ka hi. Lalpa thu chu kei â ding ah sun nitum tum ah musitna leh, dem ka law’na bep ahi ta’ngal a.

JEREMIAH 20:8 ပူးပေါင်းရင်းမြစ်များ

2 LENGTE 2:23

Zia kipat chun Bethel ah a chia to ah; chun lampi ah a chia to zing lai in, khawpi ah kipat pawsal naupang khenkhatte a hung ua, a hun daî ua, “Chia mang in, lukolpa! Chia mang in, lukolpa!” a tiu a.

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

ISAI 57:4

Kua a hem tawtbawlna la mat uh? Kua eulauna ding ah la kam uh lian tak ah kâ, la lei uh thadok sek la hiu em? Bawsiatna chate, mithepna suan leh pâkte hilo la hiu em?

JEREMIAH 15:10

Gam sung pumpi mi zosia kinakpi ding leh kinialpi ding ah ka nu’n ei la hin mai hi chu aw! Ka chung a gik na e! Kuama bat ding in ka pia ngai pua’n, kuama â le ka ba ngai diak puai; himaleh, a leng un hânsia ei law khum tho tho ui.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 20:7

Aw Lalpa, nang in lei jawl ah, tichun, jawl zaw in ka la um tai; keima sâng in la hatzaw’n, lei zo tai. Sun nitum tum ah nuizatbûk ka hita’n, mi zosia’n ei nuisan tau hi.

JEREMIAH 28:8

Keima leh nang masang ah jawlneite khan, malai ah kipat gam tam tak leh lenggam hat takte chung ah kidona, kialna leh natpi tung dingte a la genlawk sek un.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 6:10

Ka vauhilna thu ngai dingin, kua kiang ah gen ding ka hi tam? En tia, a nakhangteu chu vî lo ahi’n, bangma a hethei puau hi. Lalpa kamsuak chu a sim mawu in, a thu gen a kipakpi thei puau hi.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

HABAKKUK 1:3

Bang ziak ah nang in diklo tak ah kibawlna leh, lungkhamna hi lei musak a hem? Siatna leh kipawngbawlnate hi, ka ma’n a um zing in; kinakna leh kituaklonate a hung pawt tai.

LUKA 11:45

Ziaphatchun, danthiam mi pakhat in a hun dawnhu a, “Hotupa, la thugen chun keihaw lei selpho na e!” a hun tia.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

HEBRAITE 13:13

Ziaziakchun, ama a mu tawmnau chu pua’n, dâi pawlam in chia hitiu.

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.