JEREMIAH 20:6 - PATHIAN LEKHABU THIANGTHO (BSI)

⁶ Chuleh, Pashhur, nang tawh la In ah chêng zosia pum in, sal ah mat hin la tiu in; Babulon gam lam ah chia ta’n lau; zia tak ah chun nang tawh, la gual la paiteu a kiang ua thu diklo tak ah la la genlawk sekte zosia pum ah thiden in, vui in hung um den ta’n lau, ti in.

JEREMIAH 20:6 ပူးပေါင်းရင်းမြစ်များ

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 14:13

Ziaphatchun keima’n, “Katei, Lalpa Pathian! Zia tak ah jawlneite hin a kiang un: Kidona chemjam chu tuak pua’n la tiu in, kialna le tuak lo in zia mun ah hin thamuang tak in um ding la hiu, a tiu a,” ka ti’n.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 20:1

Tu’hin, Lalpa In ah hotu lian pen, Immer chapa thiampu Pashhur chun, Jeremiah in zia gual ah thu a gente chu a la he ta’n.

JEREMIAH 20:4

Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 29:32

Lalpa‘n zia gual hin a gen hi: Nehelam ah Shemaiah in Lalpa kãl ah thu a la gen ziakin, a suante chu gawt ding ka hi; ka mipite chung ah thilpha ka hun bawl phat leh, mipite lak ah pang ding suan leh pâk khat ziang le nei ta pua’n a, Lalpa‘n a tii, ti in.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

EZEKIEL 22:28

A jawlneiteu in amau sik in a gitlonau khu’na’n bâng kijut vam khum gual in a kihiatlosak un, kilâkna diklo ngen a muu ah, zuau thu’n âi a sân un, Lalpa‘n bangma gen lopi’nle a kiang un, ‘Lalpa Pathian in zia gual hin a gen hi,’ a tiu a.

THIAMPUTE LEKHABU 26:17

Nang uh do dingin ka mai le’hei ing ka tin, la mêlmateu thâgam in hung um in lau: La mêlmateu in la chung un vaihawm intiu in, kuama del lo inle jam in lau.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

ZEKARIAH 13:3

Chuleh, jawlnei dang him himle a hung pia’n kit khâk ahi chun, amau hingtu, a nu leh a pate chun, “Lalpa min ah zuau gen la hiziak in thi ding la hiu,” ti’n au; chuleh, amau hingte a nu leh a pateu khan, a thu a gen lai tak un chei in sun lum ngal in au.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.