JEREMIAH 20:5 - PATHIAN LEKHABU THIANGTHO (BSI)

⁵ Zia khawpi hausakna zosia, a lawkna zosia, a nei thil doichuamteu leh Judai gam ah lengte go thil zosia chu a mêlmateu khut ah pia ta’ng ka tin; a mêlmateu chun suam in, lak piak in, Babulon lam ah paw mang ta’n au.

JEREMIAH 20:5 ပူးပေါင်းရင်းမြစ်များ

2 KHANGTHU 36:10

Zia kum ah chavâng hun ah chun, Lengpa Nebukadnezar in Lalpa In ah ûm leh bêl man tam tak haw chu tawh, ama chu Babulon lam ah hun pawmang dingin mi a sawl ah; a thasâng ah Judai gam leh Jerusalem khua leng ah pang dingin a suapipa Zedekiah chu a koi tai.

ISAI 39:6

“La lal In ah um zosia, la pu leh pate’n a la khol khawm uh tu’ni tiang ah umte hi, a leng ah Babulon gam lam ah puak mangna ding ni chu hung tung ngei ngei ding ahi; bang ma cha khêk hilo ding ahi, Lalpa‘n a tii.

JEREMIAH 12:12

Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 15:13

La chênnau gam zosia hin, la gitlonau zosiate ziakin la hausaknau leh la goteu chu a thawn in gâl lâk dingin pedok ding ka hi.

JEREMIAH 17:3

La gam pumpiu ah la hausaknau zosia tawh, la go thil nei zosiau chu, la gitlo man un gâl lâk sum ah midangte hun chom nâmsak ding ka hi.

JEREMIAH 3:24

I neulai ua kipat khan, I pu leh pateu sepgimna gate, bawng honte, belam honte, a chanuteu leh, a chapateu natiang in, I mualpho zo tau hi.

JEREMIAH 32:24

En in, khawpi lakna ding ah panmunte saw; Kaldaite khut ah um ding ah la gen gual in a hun do pan tau hi. Chemjamte, kialnate leh natpi’n khawpi sung chu a manaw ta’n, tu’hin la la gensa kha a chung un muthei dingin a hung guitung ta hilam.

JEREMIAH 39:2

Zedekiah lal kum, sawm leh khatna a tha li’na, a ni kua tin ni chun, khawpi kulbâng chu sukvan in a hung um ta’n.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

KÂ LATE 1:10

Mêlmate’n a go thil zosia chung in a khut uh a jak khum un; a mun thiangtho nam dangte, lut a phal lona mun chu nam dangte chun, a sim tau hi.

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

KÂ LATE 4:12

Lei ah lengte leh mi zosia’n, Jerusalem kotpite ah mêlma dogâlte lut ding chu, a gingcha kha puau hi.

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.