JEREMIAH 20:4 - PATHIAN LEKHABU THIANGTHO (BSI)

⁴ Lalpa‘n zia gual hin a gen ta’ngal a: Nangma leh la gual leh pâite â ding ah tizat um in hun siam ing ka tin; tichun, amau la et zing lai in, a mêlmateu chemjam in amau chu thi’n au. Tichun, Judai gam pumpi hi Babulon lengpa khut in pia’ng ka tin, Babulon gam lam in sal ah pui intiu in, zia tak ah chun chemjam in hun that ta’n au.

JEREMIAH 20:4 ပူးပေါင်းရင်းမြစ်များ

2 LENGTE 25:7

ama mit mu ngei ah chun a chate chu a hun that ua, ziazaw chun Zedekiah mit chu a hun khel daw piak in, sum-eng thikkol busak in, Babulon lam in a kâi tau hi.

SAM 73:19

Bangtidan a hem mitphet kâl sung bep ah, huaisia tak ah hi’châkvai ah a um ziang tâk uh hi!

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 13:19

Negeb ah khawpite chu, a hong ding mi umlo in, a kikhak suak tau a; Judai gam ah mi zosia, a leng un sal ah pui mang hita’n au.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 20:6

Chuleh, Pashhur, nang tawh la In ah chêng zosia pum in, sal ah mat hin la tiu in; Babulon gam lam ah chia ta’n lau; zia tak ah chun nang tawh, la gual la paiteu a kiang ua thu diklo tak ah la la genlawk sekte zosia pum ah thiden in, vui in hung um den ta’n lau, ti in.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 29:21

Sepai honte Lalpa, Israelte Pathian in, Kolaiah chapa Ahab tawh, Maaseiah chapa Zedekiah, ka min ah zuau thu la kiang ua hung gen teni chungchâng kha zia gual hin a gen hi: Amau teni hi Babulon Lengpa Nebukadnezar khut ah pedok ing ka tin, la mit mu ngei un that ding ahi.

JEREMIAH 46:5

Bang ding ah amau lauthawng ah hun mu ka hem? A kinungchawn tau a; a gâl hangsanteu tawden a hitau a, kin-gang tak in a taichek zo tau hi. Nung lam en talo in, tizatna’n a tuamchak zo tai, Lalpa‘n a tii.

JEREMIAH 52:24

Vêngtute lak ah hotulian chun thiampu Seraiah tawh, a kithuapi Zephaniah tawh, zia mun vêngtu pathumte chule pui a hiu a;

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

JEREMIAH 6:25

Loulai ah pawtdok kiu inla, Lamlian dung inle chia kiu in; mêlmate’n chemjam a chawi un, kiltin lau umna ngen in a dim ta’ngâl a.

1 SAMUEL 2:33

Ka mâichâm ah kipat ka paithâk lo pen pen chu, la mitdo pen ding leh la lung ngaina pen ding hita’n tin; la Inkuante zosia chu chemjam ah thalup ding ngen hi ta’n au.