JEREMIAH 20:18 - PATHIAN LEKHABU THIANGTHO (BSI)

¹⁸ Bang ding ah sûl ah kipat hung piang ah, sep gimna leh lungngaina bep mu ding ah, ka damsung sia mualphona tuak ding bep ah, hung piang ka hi tam?

JEREMIAH 20:18 ပူးပေါင်းရင်းမြစ်များ

1 LENGTE 19:4

Himaleh, ama chu gamthip sung ah nikhat lamzawt tiang a chia ah, munphi thingbul in a kichu tai. A thi’na dingin a don ah: “A hun tawk tai; tu’hin, aw Lalpa, ka hinna lamang ta’n, ka pu leh pate sâng in ka phazaw diak paw’ngal in,” ti in.

JOB LEKHABU 14:1

Numei sung ah kipat piang mihing hi, ni chomcha leh buaina dim,

JOB LEKHABU 14:13

Nang in ka hunbî ding a la guat in, ei hezing hin la, la lungnatna a bei masia, Sheol ah ei la sêlgu hizaw mai lechin aw!

JOB LEKHABU 3:20

Bang ding ah genthei thuak mi khawvak kipia, lunggimte chu hinna kipia,

JOB LEKHABU 5:7

meisi te chung lam zuan ah a lên to gual un, mihingte hile a buai ding mawng ah piang a hiu.

SAM 102:3

Ka damsung hi meikhu gual in a jam mang in, ka gute hi tummeipi gual in a kuang ta’i.

SAM 69:19

Nang in mi ei gensiatnate, ka zachatna leh musit ah ka umnate hi la he suak a; la mêlmate zosia hile la he suak sik sek hi.

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

JEREMIAH 15:10

Gam sung pumpi mi zosia kinakpi ding leh kinialpi ding ah ka nu’n ei la hin mai hi chu aw! Ka chung a gik na e! Kuama bat ding in ka pia ngai pua’n, kuama â le ka ba ngai diak puai; himaleh, a leng un hânsia ei law khum tho tho ui.

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 8:18

Ka limna’n ei taisan ta’n, lungngaina’n ei chûm tai; ka lungthim a na tai.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

KÂ LATE 3:1

Pathian lungnatna tiangpum ah jepte lak in ka pang a;

HABAKKUK 1:3

Bang ziak ah nang in diklo tak ah kibawlna leh, lungkhamna hi lei musak a hem? Siatna leh kipawngbawlnate hi, ka ma’n a um zing in; kinakna leh kituaklonate a hung pawt tai.

JOHAN 16:20

Titakzet in ka hil la hiu, nanghaw chu kap in, lusûn in um in lau; khawvel chu vang kipak in a; nang uh lungngai tak in um in lau; himaleh, la lungngainau chu kipakna hung chang in a.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 11:36

Midangte chun soina leh vokna a tuak un, kolbunate leh suangkul tânnate le a tuak ui.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 13:13

Ziaziakchun, ama a mu tawmnau chu pua’n, dâi pawlam in chia hitiu.