JEREMIAH 20:16 - PATHIAN LEKHABU THIANGTHO (BSI)

¹⁶ Zia pa chu Lalpa‘n lainatna pang lo ah, khawpi a suksiatte gual ah um in, jingkal ah kâ thawm hia’n, sûnchang lai in patau thawm he tau hen;

JEREMIAH 20:16 ပူးပေါင်းရင်းမြစ်များ

JEREMIAH 18:22

Hetkhol lo ah amau sim ding la hung tunsak phat leh, a In ua kipat kâ thawm het in um ta hen! Ei matna ding un kawkhûk a cho un, ka keng awkna ding thâng a kam ta’ngal un.

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

EZEKIEL 21:22

A changlam in Jerusalem kul hisiatna ding leh mi tha’na ding, kido ding ah kokhawmna, kotpite hisiatna ding, a ûmna siam ding dan leh a galvênbûk sâng siam ding dante a hung chu tai.

HOSEA 10:14

Ziaziakchun, la mipite do-na ding ah, kido’na thawmgi hung um intin; chuleh, Shalman in kido ni ah Beth-arbel a suksiat ah, nute chu a chateu tawh khet gawp a hilai gual uh khan, la kulpiu zosia suksiat hita’n a.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

AMOS 1:14

Ziaziakchun, Rabah bâng mei in hâl ing ka tin, a kulpite chu kâng tum intin, kido ni ah kiko thawm tawh, chîmpei ni ah thigawpi tawh,

AMOS 2:2

Ziaziakchun, Moab chung ah mei sawl ing ka tin, Kerioth kulpite chu kâng tum intin, Moab chu buaina huaisia lak ah, kiko thawm leh pengkul git lak in thi’n tin;

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

JONAH 3:4

Jonah chun, khawpi sung ni khat lam a zawt nung in thu a gen pan a: “Ni sawmli zaw leh Nineveh hi sukmanthai hiding ahi tai,” ti’n tâng a sam a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

ZEPHANIAH 1:16

gâlvênbûk sâng leh khawpi detdote do ding ah, pengkul mût ni leh gâldo thawmgit ni chu hi’n a.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

LUKA 17:29

himaleh, Lot in Sodom khua a pawtsan phat ah khan, van ah kipat in mei leh kât a hung zu’n, a leng un a thigam tau hi.

DAN LEKHABU 29:22

Tichun, la nung ua khangthakte leh gam dang mite, gamla tak ah kipat hungte chun, Lalpa‘n a bawlsiat dante, a enggawt dante chu a mu phât ua leh gensim in hun nei kha’n au.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.