JEREMIAH 20:12 - PATHIAN LEKHABU THIANGTHO (BSI)

¹² Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

JEREMIAH 20:12 ပူးပေါင်းရင်းမြစ်များ

2 KHANGTHU 24:22

Zekhariah pa Jehoiada khan, Lengpa Joash chung ah thilpha a la bawlte kha he talo in, a chapa chu a that tai. Zekhariah chu a thi ding kuan in, “Lalpa‘n la thilbawl uh hun en hen la phuba hun la mai ta hen!” ti’n a gen tai.

SAM 11:5

Lalpa‘n midik leh mi nunsia a patep ah, thagum sua nuam mi chu a hinna’n a hua ahi.

SAM 139:23

Aw Pathian, ngun tak in ei enchian inla, ka thinlung hi hechian ta’n; ei patep inla, ka ngaituanate hi hia’n.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

SAM 54:7

Ka lungdonna zosia lak ah kipat, ei hukdaw tâk ziakin; ei do-te ka zaw’na chu ka mit in mu ta’n a.

SAM 58:10

Midikte chun phuba lâkna, a mu phât uh leh kipak ta’n au; mi nunsiate thisan ah chun, a keng uh sil ta’n au.

SAM 59:10

Ka Pathian in ka chung ah, a ngilneina dungzui in ei la tuak intin; Pathian in ka mêlmate chung ah, ka gualzawna ei musak ding ahi.

SAM 62:8

Aw mipite haw, ama chu ging zing un, la thinlung gil teu a ma’n sungdok unla; Pathian chu I kisêlnau ahi. (Selah)

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

SAM 86:4

La suak hinna kipak sak inla, aw Lalpa, ka thagau in, nangma lam ka hun nga tai.

ISAI 37:14

Chun, Hezekiah in a thangko sawlte ah kipat chun lekhathot chu a mu ta’n, a sim ngal a; ziaphatchun, Lalpa In ah lût in, Lalpa kiang in a phaljak a.

ISAI 38:14

Pialpîm a hem, Vakengsâng a hem gual in ka ngîk ka ngîk a; Vakhu gual in ka thûm lît lît hi. Chung lam ka thîlna lam in ka mit a kham zo tai. Aw Lalpa, tawden in ka um tai, ka bitna hung hita’n!

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 12:8

Ka gote chu kei â dingin, gammâng ah sakeibaknei tawhbang a hitau in; keima ei dem in a ngai thei pen in aw a suau in, ziaziakchun, amau chu ka hua ahi.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 17:18

Ei gawt gentheite mualpho uh hen la, kei vang ei mualphosak kin; amau chu lungdong uh hen la, kei vang ei lungdonsak kin. A chung un siatna ni tunsak inla, a le’ni in siatna tunsak in!

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

1 PETER 4:19

Ziaziakchun, Pathian phasak dungzui ah thuakte chun thilpha bawl in, a Siampa ginum tak kiang ah chun kivopsak tau hen.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.

1 SAMUEL 1:15

Himaleh, Hannah in, “Ka hipuai ka Lalpa; numei lungkham talua ka hi; zu leh khamthei thil ka dawn pua’n, Lalpa kiangah ka lunggil sungah umte ka gendok a hizawi.