JEREMIAH 20:10 - PATHIAN LEKHABU THIANGTHO (BSI)

¹⁰ Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 20:10 ပူးပေါင်းရင်းမြစ်များ

1 LENGTE 19:2

Ziaphatchun, Jezebel in thupawtu pakhat Elijah kiang in a sawl a, “Jing ah tu’hun phat hileh amau hinna gual ah la hinna ka bawl lo ngei ngei leh, pathiante chun kei ei chuti bawl in, a khawk zaw’n le ei bawl uh hen,” ti’n a vagensak a.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 22:27

zia gual hin vagen un, ‘Lengpa’n zia gual hin a gen hi: Ziapa hi suangkul in khum unla, thamuang takah ka hung vaikit masangsia vaithum leh tui tawmcha bep a la pesek un,’ ti’n,” a tia.

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

JOB LEKHABU 19:19

Ka gual ngai pente zosia’n ei kidak tau a, ka lungsiat pente chu, ei gensia’n a pang tau hi.

SAM 31:13

Mi tam tak kiho gûkna ka hegu ta’n, lau umna’n ei tuam kîmvêl hi! Keima kãl in thil a guanggal khawm un, ka thi’na ding a ngaituau hi.

SAM 31:14

Himaleh, aw Lalpa, nang ka hun ging ah; “Ka Pathian la hi,” ka ti hen.

SAM 41:10

Himaleh, aw Lalpa, nang in ei lungsiat inla, amau ka thuktheina dingin ei kaitho kit in.

SAM 41:9

Ka gual ngai pen, ka ginchak ma ma, ka vaithum nêkpi natiang in, ka siatna ding tup in, a kengtaw ka chung in a lâm tai.,

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

THUPILTE 10:18

Huatna sêlgutu chu muk zuauthei pu’ ahi’n, mi gensiat chîng chu mingol ahi.

ISAI 29:21

a kam ah thu ah mi tawh kihêkna ah, a dik zaw zawn sakte, kul kotkhak bul ah vaihawmte awkna ding siamte leh, mi thudik ah pangte dikna ah vaihawm piaklote chu, sukmang ah hung um ding a hiu.

JEREMIAH 1:19

Hun do intiu in, himaleh, hun zo pua’n au; nangma hukdok ding in ka hun umpi zing la hi, Lalpa‘n a tii,” ti in.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 11:21

Ziaziakchun, Anathoth khua mite, la hinna lâk gua, “Lalpa min in thu gen ta kin; achutiloleh, ka khut lum un thi mai ding la hi,” hun tite chung thu ah Lalpa‘n zia gual hin a gen a:

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 20:3

A jing phatin Pashhur in Jeremiah chu a bultukna kipat in a va thâdok ah; ziaphatchun, Jeremiah in a kiang in, Lalpa‘n la min dingin Pashhur sak lo in, Major-Missabib a sa tai.

JEREMIAH 37:13

Ama chu Benjaminte Kotpi a tun phatin huang sung ngak Hananiah tupa, Shelemiah chapa Irijah chun jawlnei Jeremiah chu a la man ah, a kiang in, “Nang hi Kaldaite lam ah zam mang ding la hi,” ti’n a la man ta mai a.

JEREMIAH 6:25

Loulai ah pawtdok kiu inla, Lamlian dung inle chia kiu in; mêlmate’n chemjam a chawi un, kiltin lau umna ngen in a dim ta’ngâl a.

EZEKIEL 22:9

Nangma ah thisan sua dingin mi heksiat hatte a um un, nangma ah chun thoimual ah kithoina sanete lak in hûkna thil polche bawlte a um ui.

DANIAL 6:4

Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

LUKA 20:20

Tichun, ama chu gam-ukpa vaihawmna thu leh, thuneina hêk ah a um theina dingin, a chânggu zing tau ah; a hêk theina thu he dingin mi pha gual ah kisiam mi a sawl tau hi.

NASEPTE 24:13

Tu’ ei hêknau hile a chetna ding nei diak pua’n au.

NASEPTE 5:33

Zia thu chu a het phat un, a siat uh a hung so ah, amau chu tha a gua tau a.

NASEPTE 7:54

Zia thilte chu a het phat un, a siat uh a so ta’n, Stephen chu a hau a hun gawikhum tau a.