JEREMIAH 2:8 - PATHIAN LEKHABU THIANGTHO (BSI)

⁸ Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 2:8 ပူးပေါင်းရင်းမြစ်များ

1 LENGTE 18:22

Ziaphatchun, Elijah in mipite kiang in, “Kei, keima bepcha hi Lalpa jawlnei um sun ka hi tai; himaleh, Baal jawlneite chu za li leh sawmnga hial a hiu hi.

1 LENGTE 18:29

Sûn nung a hung hita’n, nitâk lam kithoina chi khat lat hun tiang in a kipawng bawl ziang tau ah; himaleh, aw git bangma a um pua, dawnhu’na leh ngaisakna him a um diak puai.

1 LENGTE 18:40

Elijah chun a kiang un, “Baal jawlneite chu man un; a lak ua pakhat chale suachâksak kiu in,” a tia. Tichun, a man ua; Elijah in Kishon Lui in a pui suk ah, zia tak ah chun a that gam tai.

JOB LEKHABU 35:10

Himaleh, kuama’n, “Ei siampa Pathian, jan ah hatna ei pesekpa,

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

ISAI 30:5

amau â ding ah mipi panna bei, panpi thei lo leh a phatchuamna ding uh, bangma bawl piak theilote, zachatna leh mualphona bep tun theite a bêl ziak un, mi zosia chu mualpho ta’n au.

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 7:8

A phatchuamna ding umlo, zuau thu gingcha’n zia tak ah hin la um mai mai ui.

JEREMIAH 9:14

a pu leh pateu in a hilnau dungzui ah Baal a delzui un, lu’lul tak ah a lungthim dawi dan uh a zui zawk tak ziak un.

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

EZEKIEL 34:2

Mihing, Israelte chung ah belampute dem in thu gen inla, puitute kiang ah zia gual hin vagen in: Lalpa Pathian in zia gual hin a gen hi: Katei, nanghaw Israel belampu, nangmau bep kivâk ziang tate haw! Belampute chun a belamteu a vâk ding uh hilo a hem?

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

MATTHAI 16:26

Min khawvel hi a pum in nei hen la, a hinna chân leh, ama â dingin bang a phachuam diam? Ahiloleh, min a hinna sik in bang a pia diam? a tia.

LUKA 11:52

Nanghaw dan thiamte haw, la chung uh a gik hi! hetna chabi chu la kol un, nangmau la la lut nuam puau a, midang a hung lut nuamte la la lutsak nuam diak puau in,” a tia.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

2 KORINTH 4:2

Thil jachâk um kisêlte chu ka nusiau ah, dawha phalo chu ka mang puau in, Pathian thu chu mi thepna’n ka mang puau in, thutak chu hiatsak in Pathian mit mu in mi tin sia leh pha hetna mit ka tunsak zawu ahi.

DAN LEKHABU 33:10

Jakob chu la vaihawmnate zilsak intiu in, Israel chu la dan zilsak ta’n au; la âng ah gimtui a koi un, la mâichâm ah a pum ah, hâlmang thillatte lân ta’n au.

1 SAMUEL 12:21

thil mantheilo, phatchuamna bei leh nanghaw hun hukdok theilote hi, a phatchuamna bei ahiziak in zui kiu in.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;