JEREMIAH 2:6 - PATHIAN LEKHABU THIANGTHO (BSI)

⁶ Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 2:6 ပူးပေါင်းရင်းမြစ်များ

2 LENGTE 2:14

Elijah puanchual ama ah kipat hung ketha chu a la, “Lalpa, Elijah Pathian ngei chu khoi ah a um em?” ti kawm in tui chu a khen a. Tui chu a khet phatin, a langkhat leh a langkhat lam gêl in a hung kikhen ta’n, Elisha chu a chia gâlkâi tai.

JOB LEKHABU 3:5

Lungkhamna ni leh thimjin ni hi hen. Sûmpi’n chup khum hen la; sûm ah thim jing chun hilau ta hen.

JOB LEKHABU 35:10

Himaleh, kuama’n, “Ei siampa Pathian, jan ah hatna ei pesekpa,

SAM 23:4

Thi’na lîm guam thim pen hawtheng ziang malengle, thil phalo him him lau pua’ng ka; nang ka kiang in la um ngal ah; la khetbûk leh la tiang in lei thamuan hi.

SAM 77:5

Nidanglaite kha ka ngaitua ah, tuan ah tâng ah hunte kha ka hezing hi.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 5:12

Lalpa chu lepchia in a ngawu a, “Bangma bawl lo hial in a. I chung un siatna bangma tung pua’n tin, chemjam a hem kialna a hem tuak puai tiu,” a tiu a.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.

JEREMIAH 51:43

A khawpite haw chu tizat um a suak ta’n, gam gawchâk leh gamkeu, kuama chên tâk lona leh, mihing chotkhâk lona gamgil a suak tai.

HOSEA 12:13

Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

AMOS 2:10

Amorte gam lua dingin Aigupta gam ah kipat in ka hun puidok a, gamthip ah kum sawmli sung ka hun pui hi.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

DAN LEKHABU 1:19

Ziaphatchun, Lalpa thupiak gual in Horeb tâng ah kipat in ka pawtdok ua, Amorte chênna tâng gam, lampi dung ah la mu sau, gamthip lian tak leh lau um tak chu hawtheng in, Kadesh-barnea chan in ka chia tau a.

DAN LEKHABU 32:10

Gamkeu leh gamthip hui hân hatna, mun ah chun a nêk ding uh a pia’n; ama chun mitnaucha gual in a vêng in, a khawtua ah, a vêng bit hi.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

VAIHAWMTE 6:13

Gideon in, “He pu, Lalpa‘n ei umpi ahi ngâl leh, bang ding ah zia gual thilte hi ka chung ua tung thei a hem? Chuleh, ka pu leh pateu in ei gen sek uh, a thilmak bawlte chu khoi ah um ahi ta, ‘Aigupta gam ah kipat in Lalpa‘n ei puidok hilo a hem?’ a tiu kha. Tu’hin la, Lalpa‘n kei uh ei pâmpai ta’n, Midiante khut in ei pia ta ngâl ah,” ti’n a dawnhu a.