JEREMIAH 2:34 - PATHIAN LEKHABU THIANGTHO (BSI)

³⁴ In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 2:34 ပူးပေါင်းရင်းမြစ်များ

2 LENGTE 21:16

Zia lo chunle, Manasseh hin mi bangma suse lote thisan a sua tam ma ma ziang ah, Jerusalem langkhat lam ah kipat a langkhat lam tiang ah a sukdim masia a bawl ah, Judah a gitlosak le tongkhop lo in, Lalpa mit mu ngei ngei inle thil gilo chu a bawl pek nalai ngal ah, a tia.

2 LENGTE 24:4

chuleh, mi bangma suse lo thisan chu a sua a; mi bangma suse lote thisan chu Jerusalem lam ah a dimsak tâk ziakin; zia chu Lalpa‘n a ngaidam nuam ta puai.

PAWTDAWNA THU 22:1

Mi pakhat in, bawngchal a hem, belam a hem khat gu’n that in a hem, zuak mang a hem hileh, bawngchal pakhat man ah bawngchal panga a dit ding, belam pakhat man ah belam pali a dit ding ahi. Gucha chun a dit kit têi ding ahi, a ditna ding a nei lo chun ama chu zok mai ding ahi.

PAWTDAWNA THU 22:2

A thil gûk gancha, bawngchal hileh, sabiltung hileh, belam hitaleh, a hing ah gucha khut ah kimu kit ahi’chun, a le’ni in a dit kit ding ahi.

ISAI 57:5

Gangpi thing leh thinghing bulnuai tincheng ah, thanghuai tak in la kikawi un; nanghaw, phâijawl tincheng leh, suangpi kawhawm tincheng ah la chasenteu, kithoina that sekte kha hilo la hiu em?

ISAI 59:3

La khutteu chu thisan ah sukbuak a la hita’n, la khutzungteu chule khawlona sukbuak a la hi zo ta’ngal a; la mûk un zuau thu a gen tau a, la lei un nunsiatna thu ngen, a gendok ta’ngal a.

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 2:33

La ngaijawngte umna la zot thiam siat tawh, numei nunsia nasan la umchan la hil sek hilo a hem?

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

JEREMIAH 7:31

Hinnom chapa guam ah chun, a chanuteu leh a chapateu mei ah latna dingin Topheth thoimualte a siam ui; zia gual ah chu bawl dingin thu ka pepua’n, ka ngaituana’nle a um kha puai.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 4:14

Kotzing ah mitthûm gual in a vâkvai zo tau in, thisan ah kisubuak zo in, a nîk leh puanteu nasan, kua’ma sukkhak thei a hita puai.

EZEKIEL 20:31

La thilpiak uh lân ah, la chateu mei ah la lat phat ua leh, tu’ni tiang in la milimteu tawh, nanghaw kisubuak bep la hiu. Aw Israel Inkuante haw, nanghaw dot in um ding ka hem? Ka hin sungsia, nanghaw dot leh ho in um pua’ng ka, Lalpa Pathian in a tii, ti in.

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

EZEKIEL 23:45

Himaleh, thudik ah vaihawmte chun ama chu ângkawm leh tualthat in thiamlo chansak ta’n au; ângkawmna leh a khut ah thisan bek zing ahiziak in.

EZEKIEL 24:7

A mithate thisan chu a khua sung in a luang ngal a; leivui in a sêl thei ding ah lei tual ah sungtha lo in, suangpi keu chung in a bunthâi.

EZEKIEL 9:9

Ama’n ka kiang in, “Israel leh Judah Inkuante thil bawl khial chu a huaisia ma ma hi; gam pumpi thisan sua’na’n a dim ah, khawpi sungle nunsiatna’n a dim zo tai; amau in, ‘Lalpa‘n gam hi a nungngat ta’n, Lalpa‘n en talo ahi,’ a ti’ngal ui.