JEREMIAH 2:30 - PATHIAN LEKHABU THIANGTHO (BSI)

³⁰ La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 2:30 ပူးပေါင်းရင်းမြစ်များ

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 19:14

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung nusia in, la mâichâmte a suchim un, la jawlneite le chemjam in a that tau hi. Kei bep ka um ta’n; chuleh, kei hinna le lakmang dingin a hawl nalai ui,” ti’n a dawnhu a.

2 KHANGTHU 24:21

Ahi’n, ama thâlup ding dan a ngaitua tauah; tichun, lengpa thupiak in, Lalpa In huang sung ah chun suang in a seplum tau hi.

2 KHANGTHU 28:22

Zia Lengpa Ahaz ma ma hi, a hung lungdon siat phat inle Lalpa lam in a ginum lo zaw sêm a;

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

ISAI 59:3

La khutteu chu thisan ah sukbuak a la hita’n, la khutzungteu chule khawlona sukbuak a la hi zo ta’ngal a; la mûk un zuau thu a gen tau a, la lei un nunsiatna thu ngen, a gendok ta’ngal a.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 31:18

Ephraim thûmna chu ka henai: “Nang in lei thunun ta’n, la thununna chu ka la thuak ta’n; bawngno lâk nai lo tawhbang ka hi. Ei pui kit in, hung kit ing ka, nangma, Lalpa chu ka Pathian la hi’ngâl a.

JEREMIAH 46:14

Aigupta gam ah vagenjak unla, Migdol, Memphis leh Tahpanhes khuate ah hin, vapuang jak tau in; a kiang un, “La panmun uh luau inla, kigingsa’n um un, la kîmvêl ua umte chu, chemjam in hun that gam ding ahi ngâl un,” tiu in.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 7:28

A kiang un zia gual hin la gen ding ahi: Zia namte hin Lalpa, a Pathian uh thu gen a ngaisak puau in, a thu le a mang puau hi; a lak un thu dikna a um ta pua’n, a kam unle a suadok ta puau hi.

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

EZEKIEL 22:24

Mihing, a kiang un gen in: “Gam hi’thianlo leh lungnatna nikhua gua zuklona chu la hi.

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

DANIAL 9:13

Mosi dan lekhabu a kizik gual gual in, zia thil phalo zosia hi ka chung un a tung tai. Ka thulim lona teu kiheisan ah, ama dikna lampi ka zuitheina ding un, Lalpa ka Pathian uh doisakna hawl in ka pauchap nai diak puau a.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

MATTHAI 23:29

Nanghaw lekhazikte leh Pharisai miphalêmte haw, la chung uh a gik hi! Jawlneite suang la dawu in, midikte thânle pha tak in la chei ui,

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

1 THESSALONITE 2:15

amau chun Lalpa Jesu leh jawlneite kha a that ua, keihawle ei deldok ua, Pathian ahi’lungdam puau ah, mi zosia a dodâl sek ui,

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.