JEREMIAH 2:28 - PATHIAN LEKHABU THIANGTHO (BSI)

²⁸ Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 2:28 ပူးပေါင်းရင်းမြစ်များ

2 LENGTE 3:13

Elisha chun Israel lengpa kiang in, “Nang â ding bang bawl ding ka nei em? La jawlneipate kiang a hem, la jawlneinute kiang a hem in vachia ta’n la,” a tia. Himaleh, Israel lengpa chun a kiang in, “Ahipuai; Moab kiang ah piakdaw ding bep ah kei uh lengte pathum ei hung kodokpa hi Lalpa ahi,” a tia.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 46:2

A chu tha suk un, a kûntha khawm tau; a puakgik ua kipat a kihukdok thei puau a, sal ah puimang in a um tau hi.

ISAI 46:7

A liangko ah sepdok in a puau a, a umna ding mun un a tung un, zia chun a ding den tau a; a umnau kipat in a chia chawn thei ta puau hi. Mi khat in bang gual in ko maleh, a dawnhu thei pua’n, a lungkhamnau ah kipat in a hukdok thei puai.

ISAI 57:13

La patau phat uh leh, la milim lâk khawm haw chun hun hukdok tau hen! Hui in tokmang hen la, hu in mût mang ziang ta hen. Himaleh, keima ei bêl taphot chun, gam hi hun lua in, ka tâng thiangtho hi go in hun lua ta’n au.

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 11:12

Ziaphat chuleh, Judai khawpite leh Jerusalem ah chêngte chun, kithoina a la lat seknau pathiante kiang zuan in ko maleu le, a lungdonnau ah kipat in hukdok him him pua’n a.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 30:7

Katei! Zia ni gual ah huaisia chu a um puai; Jakob â ding ah buaina hun ahi; maleh, zia lak ah kipat chun hukdaw hi’n a.

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

DAN LEKHABU 32:37

Ziaphat chuleh, a kiang un: A kingakna suangpiu a pathianteu, khoilam ah a um zo tau em?

VAIHAWMTE 10:14

Chiau inla, pathian ah la têl zawkteu kiang ah khan vadon tau in; la lungkhamnau ah kipat in hun hukdokleu hiding a paw’m!” a ti piak a.