JEREMIAH 2:26 - PATHIAN LEKHABU THIANGTHO (BSI)

²⁶ Gucha matdaw ahi’phat leh, a jachâk gual in, zia gual chun Israel Inkuante chule zakcha’n au. A mipiteu, a leng leh lalteu, a thiamputeu, a jawlneiteu leh,

JEREMIAH 2:26 ပူးပေါင်းရင်းမြစ်များ

EZRA 9:7

Ka pu leh pateu hun laiah kipat tu’ni tiang hin ka gitlo’nateu chu a gil ma ma ta’n; keimau, ka lengteu leh ka thiamputeu khawlo’na ziak un, gam dangte lengte khut leh chemjamte âng leh, saltânna munte leh, gâl lâk ding leh mualphona zâhuai tak, tu’ni ka tuak gual uh hin ka la tuak tau ahi.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

ISAI 1:29

La limpi ma ma gangpi thingte ziak ah chun mualpho ta’n la; huan ding ah la têlnau munte chule, la mualphonau hung hizaw ta’n a.

ISAI 44:11

En un, milim ho zosia chu hung mualpho intiu in, a siamtute chu le mihing mai mai ahi ngal un. A leng un hung khawm in, hung pang khawm maleu; hilau ah um in, a leng un mualpho tak in um ta’n au.

ISAI 44:9

Milim siamte chu bangmalo mai mai a hiu in, a thil ngaisân ma mateu chunle phatchuamna a nei puai; a hiatpituteu chunle bangma a mu puau ah, het le a hepuau hi. Tichun, mualphona bep tuak in au.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 22:22

La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 32:32

ziaziakchun, Israel mipite leh Judai mipite zosia’n, ei sulungna ding ah a thil phalo bawlteu zosia ziakin, amau, a lengteu leh a milian leh lalteu, a thiamputeu leh a jawlneiteu, Judai gam ah mipite leh Jerusalem khua chêng zosia tawh a leng un ka mit mu ah kipat in sumangthai sik sek ding ka hi.

JEREMIAH 4:9

Zia ni phat chuleh, leng leh lalte hangsanna bei ta’n tin, thiampute mak sakna’n dim ta’n tin uh, jawlneite le lungkham ta’n au, Lalpa‘n a tii.

JEREMIAH 48:27

Israelte chu guchate lak ah kimandok hilomaleh, nang in la nuisan sek ah; amau la genkhâkna taphot ah chun la luchang la thinkhum sek hilo a hem!

EZEKIEL 16:54

la mualpho’na la kipuak ah, la chung ah thil tung zosia ziak ah; amau â ding ah thamuanna la hitheina ding ah la zachat theina dingin.

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

ZEKARIAH 5:4

Keima sepai honte Lalpa ngei in ka gen ah, ka sawldaw ahi tai; tichun, migucha In ah lut intin, diklo tak ah ka min ah kihaksialte In ah le lut in a; zia In ah chun chêng den intin, zia In ah um, a thing leh suangte chule kâng tum ta’n a,” a tia.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.