JEREMIAH 2:25 - PATHIAN LEKHABU THIANGTHO (BSI)

²⁵ La kengte chu kengtawdap bei ah vâksak lo ding leh, la dang keu lo dingin vêngtup zing in. Himaleh, nang in, “Kinem kin! Gam dangte hepi ka hi’n, amau chu delzui ding ka hi,” la ti hen.

JEREMIAH 2:25 ပူးပေါင်းရင်းမြစ်များ

2 KHANGTHU 28:22

Zia Lengpa Ahaz ma ma hi, a hung lungdon siat phat inle Lalpa lam in a ginum lo zaw sêm a;

2 KHANGTHU 28:23

ama a la nuaisia Damaska mite pathian haw kiang in kithoina a bawl ah, ama chun, “Aram lengte pathian haw chun amau a panpi ziakin, keile ei panpi thei khâk leh a kiang in kithoina lân ing ka,” a ti’n. Himaleh, ziate chu ama leh Judah mi zosia â ding ah siatna bep a suak tai.

ISAI 2:6

Aw Jakob Inkuan ah mite haw, la mipiteu lampi chu la kihei mangsan ta’ngâl un. Amau chu vang Philistinte gual ah âisân thiam leh, sualam gam ah mitvaidawi thiamte ah dim, gam dang mite tawh kizop matte a hiu.

ISAI 57:10

La vâkvêlna lam un la thau a chawl ta’n, ahi’n la, “A thawn bep ahi,” la ti nuam nai diak puau hi. La thatnopnau a chokphûl un, la tha chawl lam uh le la hepuau hi.

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

JEREMIAH 14:10

Zia mite chungchâng ah hin Lalpa‘n zia gual hin a gen hi: Vâkmang a nuam tun tun un, a kengteu chu a thunun zo puau hi; ziaziakchun, Lalpa‘n a pom ta pua’n, tu’hin a nunsiatnau hezing in, a gitlonateu ziak ah chun, hun gawt ta’n a.

JEREMIAH 18:12

Himaleh, amau chun, “Bang dukdak ahi puai! I lungtup gual gual un um hitiu in, lu’lul tak ah I thil tup uh phalo dungzui chiat ah I um ding uh ahi,” a tiu a.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 22:20

Lebanon tâng ah kal to in kikodok unla, chuleh, Bashan ah chun la awu suau in; la gual ngaite a leng un suksiat ahi tâk ziak un, Abarim ah kipat chun kap jak tau in.

JEREMIAH 22:21

La vangphat lai ni’n la kiang in ka la gen ta’n, ahi’n, nang in, “Ngaitha pua’ng ka,” la ti’n. Zia chu la khangdawn lai ah kipat, la um dan him a la hita’n, ka thu la ngaithâk sek lo ziak ei vei.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

KÂ LATE 1:2

Jankhua’n a kap ngawi ngawi ah, a biang ah mitthitui luang kawm in; a gual ngaite lakah ama thamuan ding, khatle a um puai; a lên gualpi zosia’n a lepbawl tau in, a kilanpi’n a hung pang tau hi.

KÂ LATE 4:4

Nau nawicheplaite lei chu dangchâk ziakin, a dangchawng un a bekden zo ta’n; naupangte chun an a ngêk un, kuama’n bangma a pia puau hi.

EZEKIEL 20:32

I kîmvêl ua nam dangte gual in, I gam ua um namte gual hin thingbul, suangbulte ho hitiu, ti’n lunggel maleu chin, zia gual chun um him him pua’n lau, ti in.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

MALAKI 3:14

Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?

LUKA 15:22

Ahi’n, a pa chun a suakte kiang ah, kin tak in, “Puan phapen kha hun la’n silsak un; chuleh, khutsebi busak unla, kengtawdap le hun busak un.

LUKA 16:24

A vak ko a, “He pa Abraham, ei lungsiat inla, Lazar kha hun sawl in; ka lei sukdaina dingin a khutzung mûk kha tui in hun diatop hen, zia meikuang hin ei hi’na ma ma ziang hi” a ti’n.

ROMTE 8:24

Zia kinepna ziak ah hin hukdam I hiu hi. Himaleh, kinepna mu zing thei chu kinepna ahi puai; min a mutâk nung chu bangti’n kineppi nalai ding a hem?

DAN LEKHABU 28:48

bangkim tasam kawm ah gilkial, dangchâk leh ngawnchang in Lalpa‘n nanghaw do ding ah la mêlmateu a hun sawlteu na chu sep piak in lau.

DAN LEKHABU 32:16

Gam dangte pathian chu a thangsiat sak un, ki’dak um tak in a sulungna tau hi.