JEREMIAH 2:20 - PATHIAN LEKHABU THIANGTHO (BSI)

²⁰ Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 2:20 ပူးပေါင်းရင်းမြစ်များ

1 LENGTE 12:32

Judai gam ah Kût um tawh kituak in, Jeroboam in a thagiatna ni sawm leh ngani chun Kût pakhat a guatah; tichun, mâichâm ah chun kithoinate a lân tai; ama bawngno siamte kiang ah chun kithoinate chu a lân ah, Bethel ah chunle zia gual ah chun a bawl tai.

1 LENGTE 14:23

Amau inle, thingbul nuai tin leh mual sâng tin chung in thing milimte, mihing limte leh thoimualte a bawl tau a.

SAM 107:14

thim lak leh thi’na lim nuai ah kipat in a puidok ah, a kol buteu chu a ât tan piak tai.

SAM 2:3

“Ei kânnau âttan hitiu in, a khauhualteu pai mang hitiu,” a tiu a.

SAM 78:58

A thoimualteu ah chun ama a choklungnau ah; a milim pathian siamteu chun, a thangsiatna a choktho ui.

PAWTDAWNA THU 19:8

Mipi zosia chun mi pakhat aw gual ah kituak tak in a hun dawnhuu a: Mosi chun mipite thugen chu Pathian kiang in a tut kit a.

PAWTDAWNA THU 24:3

Tichun, Mosi a hung ah, Lalpa thugen tawh a thuguat zosiate chu mipite a hil ah: mipite chun kigual tak in, “Lalpa’n a gen zosia chu bawl ing kau,” ti’n a hun dawnhu tau a.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

ISAI 10:27

Ziaphat chuleh, la liangko ah la puakgik chu lakdaw in um ta’n tin, la ngawng ah a ngawngkol chule sukbot in um ta’n a. Rimmon ah kipat in a hung kipandok ta’n,

ISAI 14:25

Ka gam sung ah chun Assuriate chu hi’chimit ing ka tin; ka mualte chung ah chun palchek ding ka hi; ziaphat chuleh, a ngawngkol uh lâk thâk hita’n tin, a liangko ua kipat a puakgik uh lâk thâk hita’n a.

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 17:2

a tu leh chateu in thingbul tin leh mualvum tincheng leh, gamlak tincheng ah a mâichâmte uh leh a dawikhuamteu chu a hezing ngal un.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 30:8

Sepai honte Lalpa chun zia gual hin a gen a: Zia ni phat chuleh, a ngawng ah ngawngkol chu khetbot piak ing ka tin, a thîkkol bûte chule hitan piak ta’ng ka; tichun, mêlhet lo mite chun suak leh sal in man ta pua’n au.

JEREMIAH 5:5

Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

EZEKIEL 16:28

A hun tawk la hetlo ziakin, Assuriate tawh thanghuai tak in la kihêl un, zia chule la tongkhop nai diak puai.

EZEKIEL 16:31

Lambom tin ah kem la daw ah, lamlian kiltin ah khang sâng la siam nalai sêt ah! Himaleh, a man la lâk nop lo ziakin nawchizuak la bang puai.

EZEKIEL 16:41

La Inte chu mei ah hâl intiu in, numei tam tak mu’na’n la chung thu tan in au; thanghuai tak in umsak ta pua’ng ka tin, kuama le sum pia diak ta pua’n la.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 23:5

Oholah chun ka ângsung in nawchi a zuak ah, a Invêng Assuriate chu a doicha’n,

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 3:3

Chuleh, a kiang in ke’nle, “Kei â ding ah ni tam tak la um ding ahi; nawchi la zok tâk lo ding; chuleh, pawsal dang le la lupkhawmpi lo ding ahi; chutileh, hun um khawmpi ding ka hi,” ka ti ta’n.

HOSEA 4:13

Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

HOSEA 9:1

Aw Israel, kipâk kin! Namdangte gual in lim kin; nawchizuak in, la Pathian la nusia ta’ngâl a. Buphual jawl tin cheng ah nawchi man la ngaina tai.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

NAHUM 1:13

Tu’hin, nangma ah kipat in a ngawngkol uh hi’bong ing ka tin, nang a hun kânna khauhualte chu, sat tan sik sek ing ka,” a tia.

DAN LEKHABU 12:2

La suan daw ding uh namte’n a pathian uh a ho’nau mun zosia, tângsâng ah te, mual chung ah te leh thing bawk lîm nuai zosia le la hisiat dim dem ding uh ahi.

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 26:17

Tu’ni hin, Lalpa lampite la zui ah, a dante, a thupiakte, a vaihawmnate leh a thugente la zopna dingin ama tawh kilemna la bawl tai.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 5:27

Nang in vanai inla, Lalpa I Pathian un a gen nop zosia chu va ngaitha’n. Chuleh, Lalpa I Pathian un a hun hil zosia chu kei uh ei hilsawn in; zia chu ngaitha’n, zawm ziang ing kau,” la tiu a.

JOSHUA 1:16

Amau inle Joshua kiang in, “La thupiak zosia chu bawl ing ka tiu in, lei sawlna taphot ah chunle chia ing kau.

JOSHUA 24:24

Mipite’n Joshua kiang in, “Lalpa I Pathian uh na bep sêm ing ka tiu in, ama thu le jawm ing kau,” a tiu a.

JOSHUA 24:26

Zia thu chu Pathian dan lekhabu’n Joshua’n a zik lut a; chuleh, suang lianpi a la’n, Lalpa mun thiangtho, gangpi bul nuai in a phut tai.

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;

VAIHAWMTE 10:6

Israelte chun Lalpa doi lo gual tak in thil a bawlkhial kit tau a. Aram mite pathian Baal leh Astartes, chuleh Sidonte pathiante, Moabte pathiante, Ammonte pathiante leh Philistinte pathian haw chu a hosan tau a.

VAIHAWMTE 2:11

Ziaphatchun, Israelte’n Baal hun ho in, Lalpa mit mu ah thil phalo tak a hun bawl tau a;

VAIHAWMTE 2:13

Lalpa chu jamsan in, Baal leh Astartes chu a ho zaw tau a.

1 SAMUEL 12:10

Ziaphatchun, Lalpa a hun ko un, zia gual hin a gen tau a: ‘Lalpa nungngat in Baalte leh Astarte ho san in ka la gilo tau hi; himaleh, tu’hin ei hukdok inla, nangma na bep sêm tâng kau,’ a tiu a.