JEREMIAH 2:18 - PATHIAN LEKHABU THIANGTHO (BSI)

¹⁸ Chuti ahileh, Aigupta gam ah la chiau chu, Nail tuisik dawn bep lo ngâl, bang dang phatchuamna la muu em? Ahiloleh, Assuria gam ah la chiau chu, Euphrates tuisik dawn bep lo ngâl, bang dang phatchuamna la muu em?

JEREMIAH 2:18 ပူးပေါင်းရင်းမြစ်များ

2 KHANGTHU 28:16

Zia hun ah chun, Lengpa Ahaz in Assuriate panpi’na don in palai a sawlah.

ISAI 23:3

tuipi lian tak chung in a um un; la sum nâk chu Shihor bute leh, Nail lui ah bu kila khawmte chu a hiu a; namtin kiang in la kivei hi.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 7:20

Zia ni phat chuleh, Lalpa‘n Lui lian gâl lam ah mi, Assuria lengpa’n samchem hiam a gawi chu mang in, a lujang sam ah kipat a keng tiangah a mul zosia leh a khamul natiang in hun metnâm piak ta’n a.

JEREMIAH 2:36

La umchan kihiatlosak ah, nuam tak ah um gua la hi maw! Assuriate’n a hun sukmualpho gual mau in, Aiguptate’n le hun sumualpho ding a hiu.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

KÂ LATE 4:17

Panpi kinem ah thîlna’n ka mitteu a chau zo ta’n; ei hukdok thei lo ding, nam dangte lak ah kinem tak in I la thîl ui.

KÂ LATE 5:6

Nêkkhop ka neina ding un, Aigupta leh Assuriate tawh kilemna, ka siam uh a ngai tai.

EZEKIEL 16:28

A hun tawk la hetlo ziakin, Assuriate tawh thanghuai tak in la kihêl un, zia chule la tongkhop nai diak puai.

EZEKIEL 17:15

Himaleh, sakol tam tak tawh sepai tam tak a hun sawl piak theina dingin, Aigupta gam ah palai sawl in a helpan ta’n. A lawting na diam? Zia gual ah bawlte chu a suakcha na diam? A thutiam bawtsia’n ama a suakcha theina diam?

EZEKIEL 23:30

La thanhuaina leh nawchizokna ziakin zia gual hi la tuak ahi; namtin kiang ah la kizawk thanhuai ziak leh, a milimteu ziak ah la kisubuak zaw ziak uh ahi.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

JOSHUA 13:3

(Aigupta gam ah sualam Shihor ah kipat mallam ah Ekron gamgi tiang in, zia chu Kanaan mite gam ah ngai ahi’n; Philistinte lal panga: Gaza, Ashdod, Ashkelon, Gath leh Ekron khuate hin a la um ua;) chuleh, mallam ah Avvim khuale a um in;