JEREMIAH 2:13 - PATHIAN LEKHABU THIANGTHO (BSI)

¹³ Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:13 ပူးပေါင်းရင်းမြစ်များ

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

THUGENTU 1:14

Khawvel ah thil kibawl zosia hi ka mu ta’n; ahi, en in, a leng in bangmalo mai mai leh, huizang mat gua tawhbang bep a hizawi.

THUGENTU 1:2

Thugentu chun, Thil zosia hi bangmalo ngen ahi’n; thil zosia hi bangmalo ngen ahi! a ti’n.

THUGENTU 12:8

Thugentu chun, bangkim mai hi bangmalo mai mai ahi hen, thil zosia hi bangmalo ngen ahi, a ti ahi.

THUGENTU 2:11

Chuleh, ka khut in a sepdawsa zosia leh, zia ka bawlna ka tha gimna zosia chu ka vak ngaitua ah; zia haw zosia chule bangmalo mai mai leh a thawn mai ahi; khawvel ah hin bangma a phachuam ma ma mu ding a um puai.

THUGENTU 2:21

mi pakhat in a pilna zosia, a thiamna zosia leh a hetna zosia mang ah a sep gimna zosia chu a sêmgim lo khat in a lua dingin nusia mai ding ahi ngal a. Zia hile bangmalo mai mai leh thil phalo tak khat chu ahi.

THUGENTU 2:26

Pathian in ama kipak sakte kiang ah chun, pilna, hetthiamna leh kipakna a pe ngal ah; ahi’n, migilo kiang ah chun Pathian kipaksak mite kiang ah piaksawn dingte chu lakhawm ah, khol khawm ding bep chu a piai. Zia hile bangmalo mai mai leh a thawn mai ahi.

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 12:3

Hukdamna tuikulte ah kipat chun, kipak tak in tui thâldok ta’n lau;

ISAI 5:13

Ziaziakchun, hetna a nei lo ziak un, ka mipite chu sal ah pui in a um tau in; a milianteu chule gilkial in a thi tau in, mipite chule dangchâk in a keu zo tau hi.

ISAI 55:2

An ah ngansia thei lo chawkna’n, bang ding ah dangka mang zo ah, bang ding ah lungkimna ding bawn, tut zo lo ding ah sêmgim la hiu em? Ka thugen hi pha tak in a la ngai unla, an pha chu hung neu inla, an tui tak ne’n kihilim tau in.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 18:14

Lebanon tâng ah vûk kia chun, Sirion suangpi kikâlte a pêl diak em? tângsâng ah lui luang suk chun, luicha tuivot luangte chu, a chawp kang ngai em?

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:26

Gucha matdaw ahi’phat leh, a jachâk gual in, zia gual chun Israel Inkuante chule zakcha’n au. A mipiteu, a leng leh lalteu, a thiamputeu, a jawlneiteu leh,

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 5:26

Ka mipite lak in michavai mu in a um ta’ngâl a. Midangte neithil a lâkpiak ui. Vacha mante gual in thâng a kam un, mihingte a man sek ui.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

EZEKIEL 14:5

a milimteu ziak ah ei la jamsan ta, Israel Inkuante lungchang chu ka tûktân theina dingin, zia tawhbang milim tam tak nei pum ah hungte chu Keima, Lalpa hin dawnhu ing ka.

EZEKIEL 47:1

Chuleh, Tempul kotkhak lam chun ei pui kit a; ngaitia, tempul In mai nuai ah kipat tui hung pût in, sualam zuan in a luang ta’n (Tempul chu sualam nga ahiziak in;) chun, tui chu simlam kâi in a luang suk pek ah, Tempul In tual simlam gei ah mâichâm nung lam tiang chun a luang tai.

MIKAH 2:8

Himaleh, nanghaw vang ka mite chung ah, mêlma gual in la hung dingdok tau in; kido nuam lo ah gâlmuang tak ah, vâkvêlte lak ah kipat in, a puanâk chualteu la sât thâk piak tau hi.

MIKAH 6:3

Aw ka mitehaw, bang ka hun law ta diam? Bang lam pen in hem ka hun sukgim tâk le? Ei hun dawnhu ma tiam un leh!

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

JOHAN 4:11

Numei chun a kiang in, “He pu, tui khaidawna ding bangma la nei pua’n, zia tuikul hi a thûk ngal a; khoi ah kipat a hem zia tuihing chu la nei?

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 7:37

Kût pel ding ni, nipi pen ni chun, Jesu chu ding in, a kiko ta’n: Dangchâk taphot chu ka kiang ah hung hen la,

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

2 PETER 2:17

Ziate chu tuikhuk tui umlo leh, sûm tui paw lo hui in a mut lumlet a hiu ah, amau â dingin thimna sâ pen chu khêk in a um tai.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

VAIHAWMTE 10:13

Chuti sapi’nle, lei kiheimangsan tei tei un, pathian dangte lei ho san sek un; ziaziakchun, tu’hin vang hun hukdok talo ding ka hi.

1 SAMUEL 12:10

Ziaphatchun, Lalpa a hun ko un, zia gual hin a gen tau a: ‘Lalpa nungngat in Baalte leh Astarte ho san in ka la gilo tau hi; himaleh, tu’hin ei hukdok inla, nangma na bep sêm tâng kau,’ a tiu a.