JEREMIAH 19:4 - PATHIAN LEKHABU THIANGTHO (BSI)

⁴ Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 19:4 ပူးပေါင်းရင်းမြစ်များ

2 LENGTE 21:16

Zia lo chunle, Manasseh hin mi bangma suse lote thisan a sua tam ma ma ziang ah, Jerusalem langkhat lam ah kipat a langkhat lam tiang ah a sukdim masia a bawl ah, Judah a gitlosak le tongkhop lo in, Lalpa mit mu ngei ngei inle thil gilo chu a bawl pek nalai ngal ah, a tia.

2 LENGTE 23:10

Chuleh, Molekh ah a chapa a hem a chanu a hem, mei ah kithoina kuama’n a mat tâk lona ding un, Hinnom chate umna phâizang ah Topheth chu a vasubuak tai.

2 LENGTE 24:4

chuleh, mi bangma suse lo thisan chu a sua a; mi bangma suse lote thisan chu Jerusalem lam ah a dimsak tâk ziakin; zia chu Lalpa‘n a ngaidam nuam ta puai.

SAM 106:38

sia leh pha helote thisan, a chapa leh a chanuteu thisan ngei chu, Kanaante milim kiang in a piau a; zia gam chu thisan in a subuak tau hi.

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 17:20

a kiang un: Judai gam ah lengte leh, Judai gam leh Jerusalem khua chêng zosia, zia khawpi lutna zosiate haw, Lalpa thu hi a la ngai tiam un.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 2:34

In a bulu lai un a la man talo maleu chinle, migenthei leh mawna beite thisan chu, la puan in a nât tai. Zia gual chu ahi sapi’nle,

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 26:15

Lei thalup ua leh vang, nanghaw leh zia khawpi leh a sung ah chêng zosia hin, midik thisan sua la hiu ti vang kihiat tin ten un; a dik tak in, la nakhang ua zia thute hi hung gen ding ah Lalpa‘n ei sawl ka hi,” a ti tai.

JEREMIAH 26:23

Aigupta gam ah kipat in Uriah chu a vapuidok un, Lengpa Jehoiakim kiang ah a hun pui tau ah; ama chun chemjam in a satlum ah, a luang chu mipi vantang thanmual in a vui tau hi.

JEREMIAH 44:3

a chêngte’n thil phalo bawl ah ei la suklungnat ziak un. Amau chun pathian dang, a pu leh pateu, nangmau leh amau ziang inle a la ho khâk ngailoteu chu ho in, a kiang ah kithoinate a la lân tau a.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

EZEKIEL 20:26

Keima hi Lalpa ka hi ti a hettheina ding un, a cha lutîl uh kithoina a piak ua, a hung tizat theina ding un, a thilpiak ma mau in ka hi’buak ta ahi.

EZEKIEL 7:22

Amau lam nga ta pua’ng ka tin, ka mun go tak chu subuak ta’n au; mi huhamte lût intiu in, subuak ta’n au.

EZEKIEL 8:11

A âng ua Israel upa vaihawm sawmsagi dingte lak ah, Shaphan chapa Jaazaniah ding chule ka mu’n. A khut un gimtui hâlna bêl a chawi chiat un, a gimtui hâlnau meikhu chu a jam to a.

DANIAL 11:31

A sepai sawldokte chun tempul leh kul chu lua in, subuak in au. Nisi’n ah hâlmang kithoina chu subei in, hi’buakpa ki’dak um tak chu tungding ta’n a.

LUKA 11:50

Ziaziakchun, khawvel siamtil ah kipat jawlneite thisan kisua zosia kha, tu’lai khangthakte chung ah hin kiphût ding ahi.

DAN LEKHABU 13:13

khua sung ah mite pui mang gua, la het ngailo pathian ho ding ah mi jawl ah: “Hung tiam un, pathian dangte ho dingin chia hi tiu,” ti aw git la het phat ua leh,

DAN LEKHABU 13:6

Kua a hem khat, la suapipa ma ma, la pa chapa a hem, la nu chapa a hem khat leh, la chapa a hem, la chanu a hem leh la ângkawi lai la ji hihen la, la gual ngai pen hiziang leh le, nang la hem, la pu la pate het ngai lo pathian dang ho dingin gûkthim ah hun jawl a um chun,

DAN LEKHABU 28:20

La thilbawlteu a phatlo ziak leh keima lei kiheisan tâk ziak un, hisiat dim dem la hiu ah, kin tak ah sukmanthai la hung hi masang un Lalpa‘n la chung un siatna, buaina leh la thilbawl guatnau taphot ah beidonnate la chung un hun tunsak ding ahi.

DAN LEKHABU 28:36

La pu leh pateu ah kipat la la hetkhâk ngailo uh, la chung ua lal leh vaihawm dingte kiang ah chun Lalpa‘n hun pui intin, zia mun ah chun la het ngailo uh, thing leh suang ah kibawl pathiante na sêm in lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.

THUPUAN 16:6

Amau chun jawlneite leh mithiangthote thisan chu a la suau a, zia gûn chu mu tâk him a hiziak un, a dawn ding un thisan ma chu la pia ta ahi,” a ti ka he.

VAIHAWMTE 5:8

Amau in pathian dang a têl zawk phat ua leh, kêlkot bul ah kido’na a um sek in. Israelte sîng li lak in, lum leh phaw khat chale mu in a um ah a hem?