JEREMIAH 18:8 - PATHIAN LEKHABU THIANGTHO (BSI)

⁸ zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

JEREMIAH 18:8 ပူးပေါင်းရင်းမြစ်များ

2 KHANGTHU 12:6

Ziaphatchun, Israel mipite lak ah hotute leh lengpa chu hung kingainiam in, “Lalpa thilbawl dan chu a dik hi,” a tiu a.

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

SAM 135:14

Lalpa‘n a mite vaihawm piak intin, a suakte chu hepi ding ahi ngal a.

SAM 90:13

Aw Lalpa, hung kile’kit ta’n! Bang chan a hem la lungnat ding? La suakte hi khawtua ta’n.

PAWTDAWNA THU 32:12

Bangatia a hem Aiguptate chun, ‘Siatna huaisia tak tuak dingin a puidaw, tâng ah te amau that ding leh lei chung zosia ah amau nuaimang ding leh kâk tumsak vek dingin a puidaw ahi’, a ti ding uh? La lung natna huaisia tak hi daisak inla, la mipite chung ah thil phalo bawl ding la guat chu haisan mai ta’n.

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 26:3

A leng ua ka thu chu a ngai ua, a thil bawlkhial ziak ua, a chung ua thil phalo ka bawl guatna ziak ah, a nunchan phaloteu chu a haisan thei khâk uh leh.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

EZEKIEL 18:21

Himaleh, migilo in a thil phalo bawl zosia haisan ah, a gitlona lampi kiheisan ah, ka dan thuguat zosia a zui ah, dan a zui ah, thildik a bawl chun, a hin ngei diu ahi; zia gual mi chu a thi lo diu ahi.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 33:12

Chuleh, nang mihing in la mipite kiang in vagen in: midik a la hitamaleh, thil a la bawlkhial kit chun, tu’ma lam ah a la dikna ziakin hukdaw hipua’n ah; zia gual tho ah chun, migilo chunle a thil bawlkhialnau a haisan uh chun, a thil bawlsa te ziakin kipûk pua’n au; chuleh, midik chunle thil a hi’khial chun, a la hidik sate ziakin hawi hi diak pua’n au.

EZEKIEL 33:13

Chuleh, midikte kiang ah hing ngei ding la hi ka ti ah, amau dikna kisuanpi ziakin diklo tak in bawl kit taleu, a thil bawl phat zosiau kha, khat chale hetzing in um ta pua’n ah; ahi’n, a thil bawlkhialnau ziak chun a thi diu ahi.

EZEKIEL 33:14

Chuleh, migilo kiang in, “Thi ngei ding la hi,” ti ah ka gensa himaleh, a gitlonau a haisan ua, a dik leh a thiang a bawl ua,

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

DAN LEKHABU 32:36

A mite hatna a bei tai ti leh, khumbil ah um leh, zalen um chuam talo a hiu ti, a mu phat leh, Lalpa‘n a mite dikna’n vaihawm intin, a suakte chu lainat kit ta’n a.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.