JEREMIAH 18:21 - PATHIAN LEKHABU THIANGTHO (BSI)

²¹ Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 18:21 ပူးပေါင်းရင်းမြစ်များ

2 KHANGTHU 36:17

Ziaziakchun, Kaldai lengte chu a puilût ah, amau chun a mun thiangtho ah chun a tangvalteu chu chemjam in a sat lum tau ah; tichun, tangval hi’n nungak hileu, teksia tawi zo talote hi ziangleu le, lainatna pang lo in a hun soisa tau hi; amau chu a leng un a khut ua a piak daw suak ahi tai.

SAM 63:10

chemjam thil hitheina kiang ah piak hi’n tiu in; si-alte nêk ding bep hita’n au.

SAM 63:11

Lengpa vang Pathian ah lim intin; ama min ah kitiamna nei zosia chu, kipak intiu in; mi zuauthei te kam chu, hukbit in um ta’n a.

PAWTDAWNA THU 22:24

Ka lungnatna la chung un kuang intin, chemjam in hun that ing ka tin, la jiteu chu meithâi in hung um intiu in, la chateu le nauchaga hung hiding a hiu.

ISAI 13:18

A thalpiu chun tangvalte that intin, gil ah gate chung in lainatna nei pua’n tiu in, naupang daidawpna le nei diak pua’n au.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 14:16

A kiang ua a thu gennau mipite chu Jerusalem khawlai ah paidok ing ka tin, kialna leh kido’na chemjam in that ta’n au. Amau vui ding a lak un, a jiteu, a chapateu leh a chanuteu ziang le um ta pua’n au. A nunsiatnau a chung un buntha ding ka hi ta’ngâl a.

JEREMIAH 15:7

A umchan uh a khiam lo ziak un, gam sung ah kotpi bul tincheng ah, bu vokna mol ah vua’n ka thîtchil tai; a cha leh nauteu ka sûn sak ta’n, ka mipite chu ka that gam tai.

JEREMIAH 15:8

A meithâiteu chu tuisuagiat pang ah, piaunêl sâng in a tam zawu ah; sunchang lai ah a khanglaiteu that ding mite ka hun sawl in, a chung ua patauna leh, dip dapna phutlo in ka tunsak tai.

JEREMIAH 50:30

Ziaziakchun, a tangvalteu chu lamka thuam tin ah thalup ah um in, a sepai zosiau chule zia ni chun tha’gam sik sek hung hi’n au, Lalpa‘n a tii.

JEREMIAH 9:21

“Khawlai tual ah I chateu that ding leh, kiltin ah kipat tangvalte that dingin, thi’na chu I tukvan ua hung lut in, I lal Insungteu inle a lut tai”.

KÂ LATE 1:15

Ka gâlhatteu Lalpa‘n bangmalo a sua in; ka tangvalteu hi’chimitna ding, hunbî a pua’n khum tai; nungak thiangtho Judah chu, grep sûkna khûk ah, chil in a chuanchil tai.

KÂ LATE 5:3

Pa neilo nauchaga ka suak zo tau; ka nuteu le meithâi gual a hitau hi.

EZEKIEL 16:38

Numei ângkawm leh tualthat chung thu a ta’n gual un, la chung thu tan ing ka tin, lungna leh itsik in la chung ah thisan phuba la ding ka hi.

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

AMOS 4:10

Aigupta ah gawtna gual in hipi la lak un ka lênsak a, la tangvalteu chu chemjam in ka that ta’n; la sakolteu ka tok mang ta’n; la giamun ui gim uh la nâk hawm tiang un, ka hun thûtsak ta’n; Chutisapi’nle ka kiang in la hung kile’kit puau hi, Lalpa‘n a tii.

DAN LEKHABU 32:25

Kotzing ah chemjam in, pindan sung ah dipdap na’n; nungak leh tangval, nawichep lai leh samkângtate, kibang tak in tun khum ta’n a.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

1 SAMUEL 15:33

Himaleh, Samuel in a kiang in, “La chemjam in numei tam tak, cha bei ah a koi gual in, la nu le numei lak ah cha bei in um hen,” ti’n a gen a. Samuel chun, Agag chu Gilgal ah, Lalpa ma-âng ah chun, a sat tel tai.