JEREMIAH 18:18 - PATHIAN LEKHABU THIANGTHO (BSI)

¹⁸ Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 18:18 ပူးပေါင်းရင်းမြစ်များ

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 17:14

Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

1 LENGTE 22:24

Ziaphatchun, Kenaanah chapa Zedekiah chu Mikaiah kiang in a hung to ah, a biang a bet piak ah, a kiang in, “Lalpa thagau chun kei ah kipat chiadok in nang kiangah thugen dingin khoilam a haw em?” a tia.

2 KHANGTHU 24:21

Ahi’n, ama thâlup ding dan a ngaitua tauah; tichun, lengpa thupiak in, Lalpa In huang sung ah chun suang in a seplum tau hi.

JOB LEKHABU 5:13

Mipilte chu a lemhiatna lam un a awksak in; mi dawhathûkte guanggalna chu, kin-gang tak in a tawp sek hi.

SAM 21:11

La siatna ding ngaitua ah, a hun thep guat unle lawting diak pua’n au.

SAM 52:2

Mi theppâina ding bep buaipipa, la lei chu mul mêtna chem hiam tak gual ahi.

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

SAM 64:3

chemjam gual in a lei uh a tât hiam un; kam phalo tak takte thalchang gual ah, kâpdok dingin a ngîm un,

THUPILTE 18:21

Mihingte kam ah chun hinna leh thi’na a um a; zia ngaina tapote chun a ga chu ne ngei in au.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

JEREMIAH 1:19

Hun do intiu in, himaleh, hun zo pua’n au; nangma hukdok ding in ka hun umpi zing la hi, Lalpa‘n a tii,” ti in.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 18:19

Aw Lalpa, ei ngaisak inla, ei dodâlte thugen hi ngai tiam in!

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 26:11

Ziaphatchun, thiampute tawh jawlneite chun vaihawmte leh mipi zosiate kiang ah chun, “Zia mipa hi a thitâk ahi, ama’n zia khawpi siatna ding thu hi a gen, la nakhang ua la het chiat gual un,” a tiu a.

JEREMIAH 37:13

Ama chu Benjaminte Kotpi a tun phatin huang sung ngak Hananiah tupa, Shelemiah chapa Irijah chun jawlnei Jeremiah chu a la man ah, a kiang in, “Nang hi Kaldaite lam ah zam mang ding la hi,” ti’n a la man ta mai a.

JEREMIAH 43:2

Hoshaiah chapa Azariah tawh, Kareah chapa Johanan tawh, amau gual tho ah mi khawksak bei zosia chun Jeremiah kiang in, “Zuau gen la hi. Lalpa I Pathian un ka kiang un, ‘Aigupta gam ah chêng dingin chia kiu in,’ ti dingin a hun sawl talojen hi;

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

JEREMIAH 8:8

Bangtidan ah lekhaziktu zuauthei te’n, diklo tak ah a zik nung unle, “I pil un, Lalpa dan I zui ui,” ti’thei nalai la hiu em?

KÂ LATE 3:62

Ni tum ah ei gawtte kihogûkna leh phunna zosia chu, ka siatna ding thu ngen ahi.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

THIAMPUTE LEKHABU 10:11

Lalpa chun Mosi mang ah la kiang ua a dan thupiak zosia Israelte la zilsak ding uh ahi,” ti’n a gen a.

MIKAH 3:6

Ziaziakchun, kilâkna la mutheilona ding ah, jan hung hi’ntin; kilâkna him him la mutheilona ding ua, thim hun jin khumsak ding ka hi; jawlneite â dingin nisa’n mual khum ta’n tin, sûnle amau chung in khawthim hita’n a;

MIKAH 3:7

thiamgau kisate chu zakcha ta’n tiu in, âisân thiam kisate chule mualpho ta’n au; a leng un a mûk uh humbit ta’n au, Pathian in amau hun dawnhu talo ding ahi ngal a.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

LUKA 11:45

Ziaphatchun, danthiam mi pakhat in a hun dawnhu a, “Hotupa, la thugen chun keihaw lei selpho na e!” a hun tia.

JOHAN 9:40

Zia a thugen chu a kiang ah Pharisai umte chun a la hiau ah, a kiang in, “Aleh, kei uh le mitthûm ka hiu em?” a tiu a.