JEREMIAH 18:17 - PATHIAN LEKHABU THIANGTHO (BSI)

¹⁷ Sualam hui in a mût gual in, mêlmate âng in jam cheksak ding ka hi. Siatna a tuak niu ah chun, ka maichang hilo, ka nung lam ngat ing ka.

JEREMIAH 18:17 ပူးပေါင်းရင်းမြစ်များ

JOB LEKHABU 27:21

Sualam hui in a lapkâng ah a mut mang tai; a umna mun ua kipat tawmang in a um zo tau hi.

SAM 48:7

sualam hui in Tarshish long liante, a mût siat gual in a um tau.

THUPILTE 24:16

midikte chu sagivei kipuk ziang maleu le, thodok kit intiu in; migilote chu vang siatna’n a hi’mangthai sek hi.

JEREMIAH 13:24

Gamkeu ah busi hui in a tawmang gual in, hun the thâng ding ka hi.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 32:33

A mai lam uh hilo in, a nung lam uh ei ngat zo tau a; gunchu tak in a la hil ta maleng, ngai nuam lo in, ka hilna a mang puau hi.

JEREMIAH 46:21

A sepai hat gawiteu chule, a lak ua bawngchal thau tak a bang un; amaule pang ngam lo in, a kihei un, a tai mang zo tau hi; a siatna ding niu chu, a chung un a hung tung ta’n, amau gawtna hun chu ahi tai.

EZEKIEL 27:26

La longpute’n tuisuagiat ah a hun tawl lut ui. Tuisuagiat lailung ah sualam huipi’n a hun mûtsia tai.

EZEKIEL 7:22

Amau lam nga ta pua’ng ka tin, ka mun go tak chu subuak ta’n au; mi huhamte lût intiu in, subuak ta’n au.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.