JEREMIAH 18:15 - PATHIAN LEKHABU THIANGTHO (BSI)

¹⁵ Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 18:15 ပူးပေါင်းရင်းမြစ်များ

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 57:14

Zia phat chuleh, “In bawl unla, bawltûp un, lampi siam tau in; ka mipite hungna ding dâl thei zosia ladok sik sek un,” hun ti ta’n au.

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 11:12

Ziaphat chuleh, Judai khawpite leh Jerusalem ah chêngte chun, kithoina a la lat seknau pathiante kiang zuan in ko maleu le, a lungdonnau ah kipat in hukdok him him pua’n a.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 13:25

Keima ei hemil in zuau thu la taksan zawk ziak un, zia chu la âi ua kia, keima ah kipat la chanvo ding ua ka guat piak chu ahi, Lalpa‘n a tii.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 18:14

Lebanon tâng ah vûk kia chun, Sirion suangpi kikâlte a pêl diak em? tângsâng ah lui luang suk chun, luicha tuivot luangte chu, a chawp kang ngai em?

JEREMIAH 19:5

chuleh, Baal kiang ah kithoina ding ah a chateu mei ah a hâlna ding un, Baal â dingin thoimualte chawl lo in a siam un, zia gual chu bawl dingin thu ka pepua’n, ka dan lak inle a pang kha pua’n, ka ngaituana’nle a um kha puai.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 3:21

Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

JEREMIAH 44:25

Sepai honte Lalpa, Israelte Pathian chun zia gual hin a gen hi: ‘Van lengnu kiang ah thillat leh uain lân ding ah ka la kitiamnau mualsua ding ka hiu,’ kam ah la tiu chu, nanghaw tawh la jiteu in a tak tak in la mualsua ta mai ui. Bang hileh, la thutiam uh chu mualsuau inla, la thilpiak dingteu chule pia zing tau in!

JEREMIAH 51:18

Matna bei leh kithepna mai ahi; a gawtna ding ni a tun phat leh, mangthai ngâl ta’n au.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

EZEKIEL 21:15

ziaziakchun, lung a thuai zo ta’n, mi tam tak a pûk tau hi. A kotpi tin un chemjam hiam ka koi piak zo tai. Katei! Vai ding ah siam ahi’n, mi tha’na ding ah nawtval ahi.

EZEKIEL 36:15

chuleh, nam dangte hosiatna git leh mite musit ah hun umsak kit talo ding ka hi; chuleh, la mipite kipal pâisak kit talo ding la hi, Lalpa Pathian in a tii.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 2:6

Ziaziakchun, a lampi chu ling in dâl ing ka tin, ama dâl in bâng khat siam ing ka tin; a lampite muthei pua’n a.

MALAKI 2:8

Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

MATTHAI 15:6

Nangmau thugosia ziakin Pathian thupiak chu la botsia tau ahi.

ROMTE 14:21

La sa nêk a hem, la zudawn a hem; ahiloleh, la thilbawl pakhat pen pen chun la suapi a kiliksak chun, zia chu thilpha ahi puai.

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.