JEREMIAH 18:11 - PATHIAN LEKHABU THIANGTHO (BSI)

¹¹ Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 18:11 ပူးပေါင်းရင်းမြစ်များ

THILSIAM THU 11:7

Hung unla, vachia suk hitiu in, a kihotua theilona ding un a pau uh va sukdanglam piak hitiu,” a tia.

1 LENGTE 22:23

Tichun, ngai in, Lalpa‘n zia la jawlneite zosia kam ah hin thagau lepchia a koi tai; Lalpa‘n la chungah thil phalo tung dingin a supûk tai,” a tia.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

2 LENGTE 22:13

“Chiau inla, keima leh mipite leh Judai gam ah mi zosiate chung thu dingin Lalpa thu vadong un; Lalpa lungnatna I chung ua kuang hi a nasa ta ma ma ahi, I pu leh pateu hin zia lekhabu thute hi a la limsak nuam puau ah, eimau chung thu ah zia thu kizikte hi a la khawksak lo uh ahi,” a tia.

2 LENGTE 5:5

Aram lengpa chun, “Chia ta’n la leh, keima’n Israel lengpa lekhathot ding tawh hun sawl ding ka hi,” a tia. A chia ta’n, dangka talent sawm, sana shekel sang guk leh kivanna puan tuak sawm le a keng a.

ISAI 5:5

Tu’hin, ka grep huan hi bang law ding ka hita em ti hun hil ing ka. A pal phia’ng ka tin, nêk zaw in um ta’n tin; a dâi phia’ng ka tin, tawden in hung um ta’n a.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 19:3

A kiang un zia gual hin vagen in: Aw, Judai gam ah lengte leh Jerusalem ah chêngte haw, Lalpa thu gen hi ngai un. Israelte Pathian, sepai honte Lalpa chun zia gual hin a gen hi: Zia mun chung ah hin siatna huaisia tak hun tunsak ding ka hi, zia thu he’pha tapo nakhang chu phawng in a.

JEREMIAH 25:2

zia thu chu jawlnei Jeremiah in Judai gam ah mipi zosia leh, Jerusalem khua chêng zosiate kiang in a gen a:

JEREMIAH 25:5

Amau in la kiang un, “Tu’hin la leng un la umchan phalo uh nusia in, la thil phalo bawl uh haisan un; chutileh, nanghaw leh la pu leh pateu kiang ah la kumkhua go ding ua, masang lai ah kipat a hun piakna gam ah hin um zing thei in lau;

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

JEREMIAH 26:3

A leng ua ka thu chu a ngai ua, a thil bawlkhial ziak ua, a chung ua thil phalo ka bawl guatna ziak ah, a nunchan phaloteu chu a haisan thei khâk uh leh.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 4:23

Lei chu ka vak en ah, ngaitia suksiat ah um leh a hawm ahi tai; vante le ka et leh, vakna a nei ta puau hi.

JEREMIAH 4:6

Mallam ah kipat siatna hun tunsak ding ka hiziak in, Zion zotna lam hil unla, bitna ding hawl in tai unla, muang kiu in.

JEREMIAH 51:11

Thalchangte tât-hiam un! Thalchang a bawm ah thundim un!

JEREMIAH 7:3

Israelte Pathian, sepai honte Lalpa chun zia gual hin a gen hi: La umdanteu leh la thilbawl danteu siamphau inla, zia mun ah hin keile la kiang un hung chêng ing ka.

EZEKIEL 13:22

Keima’n hi’lungkia lo maleng, nang un diklo tak ah midikte la hi’lungkiak ziak uh leh, mi nunsiate a lampiu nusia lo ding ah la tîlkho un, la hukhin ziak un;

EZEKIEL 18:23

Lalpa Pathian in, “Migilo in a nunchan haisan ah a hin sâng in, migilo chu a gitlona ziakin thi leh kipak zaw dingin lei ngai ua a hem?” a ti’ngal a.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.

MIKAH 2:3

Tichun, Lalpazia gual hin a gen hi: Tu’hin, zia Inkuante chung ah hin thil phalo ka guanggal hen; zia kipat chun suakcha pua’n au; kisathei tak in vak kit ngai talo ding la hiu, zia chu hun phalo tak hiding ahi ngal a.

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

JAKOB 4:13

Tu’hin, nang uh, “Tu’ni a hem, jing a hem in, zia khawpi ah chun vachia in, kumkhat vachâm hitiu in, sumkawl vei in lawkna vamui tiu,” tite haw.

JAKOB 5:1

Tu’hin, mi hausate haw, la chung ua thokgimna hung tung dingte ziakin kap in mau un.