JEREMIAH 17:9 - PATHIAN LEKHABU THIANGTHO (BSI)

⁹ Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JEREMIAH 17:9 ပူးပေါင်းရင်းမြစ်များ

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 8:21

Lalpa’n a gim namtui chu a het phat in a lungthim in, “Mihingte ziakin lei chung hi hânsia law kit ta pua’ng ka; mihing lungthim ngaituanate chu a naupan lai ua kipat gilo ngen ahi ngal un; tu’hun ah ka gawtna gual hin mihing zosia hi gawt kit ta pua’ng ka.

2 SAMUEL 11:15

Zia gual hin lekhathot chu a zik ah: “Uriah hi kidona mun huaisiatna pen ah gâlmatawng in pansak inla, a hun sukkhak ua a thi thei ngeina dingin kizuk dawsan un,” ti in.

SAM 51:5

Ngaitia, khawlona hin ka hi, ka nu’n ei vop ah kipat in, migilo ka la hi tai.

SAM 64:7

Himaleh, Pathian in a thalchang in, amau hun kâp intin; thakhat in liam ta’n au.

THUPILTE 28:26

A lemhiatnau kisuanpite chu mingol a hiu in; ching pil tak ah gamta mi chu vang hukdaw in um in au.

THUGENTU 9:3

Zia hi khawvel ah thil tung lak ah phalo ma ma khat chu ahi: Mitin chung ah kibang tak ah thil a hung tun mai hi. Zia mai chule hilo in, mi zosia lungthim hi phatlo na’n a dim in; a damsungsiau a lungthim ua ngolna dim in, zia nung chun mithite kiang lam a zuan tau hi.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 6:10

Zia mipite ngaituana hi hi’chau inla, a nakhang uh le hi’ngong inla, a mit uh le hi’thûm piak in; achutiloleh, a mit un mu’n tin uh, a bil un ngaitha’n tin uh, a ngaituanau in hechian in, hung kihei kit in, sukdam in um kha’n au,’ ti’n vagen in,” a ti’n.

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

MATTHAI 13:15

Zia mite lungchang hi a ngong zo ta’n, a bengteule a ngong zo tai, a mit uh a sîng un, achutiloleh, a mit un en in mu kha’n tiu in, a bil un he kha’n au; a lungthim un hethiam intiu in; hung kihei kik kha’n tiu in; amau a la hi’dam kha’ng ka, a ti kha.

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

MARKA 2:17

Jesu’n a het phat in, a kiang un, “Mi damtheite’n daktor a ngai puau in, mi damtheilote’n a ngai sek ui; midikte ko ah hung ka hipua’n, migilote ko ah hung ka hizawi,” a tia.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

ROMTE 7:11

Gitlo chun zia thupiak chu lemchâng ah mang in ei hun thêm ah, zia chu mang in ei that tai.

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

HEBRAITE 3:12

Suapite haw, chingthei tau in; chutilochun, Pathian hing chu kiheisan dingin la lak un kua chung inle ginlona lungthim gilo tak hung um kha’n a.