JEREMIAH 17:5 - PATHIAN LEKHABU THIANGTHO (BSI)

⁵ Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

JEREMIAH 17:5 ပူးပေါင်းရင်းမြစ်များ

2 KHANGTHU 16:12

Asa lal kum sawmthum leh kuana kipat in a keng a hung na pan ah, a natna chu a hung khawk deu deu tai; a natgim ma ma inle Lalpa lam hawl diak lo in damdawi thiamte lam bep a dong zaw nalai hi.

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

SAM 18:21

Lalpa lampite chu ka haw ta’n, ka Pathian ah kipat nunsia tak in ka pêtmang kha puai.

SAM 62:9

Mi nuainungte hi hu kithâdok tawhbang bep a hiu in, miliante hile kithepna mai a hiu. Bûkna’n a kikâng gêl un, a paniu inle hu kithâdok sâng in, a jang zaw nalai ui.

ISAI 2:22

A nâk ah hattheina ziak bep a, mihing thitheite hi nusia in, bang ah pang ding a hiu em?

ISAI 20:5

Chuleh, a kinepnau Ethiopia leh a kisuanpiu Aigupta ziak ah chun, lungdong leh lungjing in um ta’n au.

ISAI 36:6

Ngai un, luang tiangkhut bongsa, a mang taphot khut sutliam piak ziang tawhbang, Aigupta maw la kisuanpiu? Aigupta lengpa Pharaoh chung ah kinga tapo chu, zia gual chun hi’liam in a um sek him ui.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

JEREMIAH 11:3

A kiang un zia gual hin vagen in: Lalpa, Israelte Pathian in zia gual hin a gen hi: Zia thuthung thute ngaisak lo tapo chu hânsia dong in um uh hen;

EZEKIEL 6:9

La lak ua suakchate chun, sal ah puimangte gam ah chun, keima ei hun he ta’n tiu in; chuleh, a lungthim un ei kiheisan ziak uh leh, a mitdunau ziak ah milim lam ei ngatsan ziak un, ka lungthim nat ding dante chu he ta’n au. Ziaphat chuleh, amau mit mu ziang ah thil huaisia tak a la bawl ziak ua, polche tak leh ki’dak um tak ah a la um a hiu ti kihia’n, amau leh amau le kiluaksuak hial ta’n au.

HOSEA 1:2

Hoshea mangcha’n Lalpa‘n thu a gen masak pen ah chun, Lalpa‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin Lalpa chu kiheisan in huaisia tak in a thanhuai san ta’ngal in,” a ti ta’n.