JEREMIAH 17:27 - PATHIAN LEKHABU THIANGTHO (BSI)

²⁷ Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 17:27 ပူးပေါင်းရင်းမြစ်များ

2 LENGTE 22:17

Amau chun, keima ei kihei mang san ua, pathian dangte â dingin gimtuite a hâl ua, amau khutsuak ngei ngei ah chun keima lungnatna ding lam tak in ei bawl ua; ziaziakchun, zia mun ah hin ka lungnatna hung kuangdok ding ahi; zia chu phelmit zaw gual hilo ding ahi.

2 LENGTE 25:9

Jerusalem ah In zosia, Lalpa In tawh, lal In tawh, a milianteu In haw zosia tawh le a hung hâltum sik sek tai.

2 KHANGTHU 36:19

Pathian In chu a hâl tum un, Jerusalem kulpi chule suchim in, lal In zosia chu a hâl tum un, ûm leh bêl man tam tak tak haw chu a susia dik dek tau hi.

SAM 122:7

La kulsung ah chun thamuanna um hen la; la gâlvên bûk sung ah chun bitna um ta hen”.

ISAI 1:20

ahi’n, thu mang lo ah la huhel uh chun, chemjam in hun vai tan in a; Lalpa kam in a la gen ta’ngâl a,” ti in.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

JEREMIAH 17:24

Lalpa‘n zia gual hin a gen a: Himaleh, ka thu la ngai ua, sabbath ni zia khawpi sung ah hi bangma la hun puak lut lo ua, sabbath ni chu chang thiangtho ah, na bangma la sep lo uh chun,

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 18:1

Jeremiah kiang in Lalpa‘n thu a hun gen a:

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 22:5

Himaleh, zia thute hi la ngai lo ua leh vang, zia In hi a hawm ah nutsia in hung um tei tei ding ahi, ti’n Lalpa‘n keima min in ka kihaksial hi, ti’n a gen hi.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 44:16

“Lalpa min ah ka kiang ua la thu gen chu, ngaisak naisai pua’ng kau.

JEREMIAH 49:27

Chun, Damaska kulbâng chu mei in hâl ing ka tin, Ben-hadad kulpi det chu kâng tum ding ahi.

JEREMIAH 52:13

Lalpa In, lengpa In tawh Jerusalem khua sung ah In zosia tawh a hâl tum ah; miliante In zosia le a hâl tum khawm tai.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

KÂ LATE 2:6

A bawkchateu chu pal chim gual in a hi’chim ah; a biakbûk uh le a suksiat piak tai; Zion ah chun Lalpa‘n kût leh, sabbath nite ahi’bei in, a hachang thakna’n lal leh, thiampute a tun khum tai.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 16:41

La Inte chu mei ah hâl intiu in, numei tam tak mu’na’n la chung thu tan in au; thanghuai tak in umsak ta pua’ng ka tin, kuama le sum pia diak ta pua’n la.

EZEKIEL 21:15

ziaziakchun, lung a thuai zo ta’n, mi tam tak a pûk tau hi. A kotpi tin un chemjam hiam ka koi piak zo tai. Katei! Vai ding ah siam ahi’n, mi tha’na ding ah nawtval ahi.

EZEKIEL 21:3

Israel gam kiang in: Lalpa‘n zia gual hin a gen hi ti’n: Nanghaw do in ka hung kuan hi, ka chemjam a pâi ah kipat jukdok ing ka tin, la lak ua midik hi’n mi nunsia hileh, sât tan sik sek ding ka hi.

EZEKIEL 22:8

Ka thil thiangthote la musit un, ka sabbath nite la subuak ui.

EZEKIEL 23:38

Zia bep chule hilo in, ka chungin zia gual hin a bawl nalai ui: Ka sabbath nite a hi’buak niu ma ma chun, ka mun thiangtho le a hi’buak tau ahi.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

AMOS 1:10

Ziaziakchun, Tura bâng chung in mei hun sawl ding ka hi, a kulpite kâng tum ding mei chu.

AMOS 1:12

Ziaziakchun, Teman chung in mei sawl ing ka tin, Bozrah kulpite chu kâng tum in a.

AMOS 1:14

Ziaziakchun, Rabah bâng mei in hâl ing ka tin, a kulpite chu kâng tum intin, kido ni ah kiko thawm tawh, chîmpei ni ah thigawpi tawh,

AMOS 1:4

Tichun, Hazael Inkuan chung ah mei hun sawl ing ka tin, zia chun Ben-hadad kulpite chu kâng tum in a.

AMOS 1:7

Ziaziakchun, Gaza bâng kâng tum ding mei hun sawl ding ka hi; a kulpite kâng tum ding mei ngei chu.

AMOS 2:2

Ziaziakchun, Moab chung ah mei sawl ing ka tin, Kerioth kulpite chu kâng tum intin, Moab chu buaina huaisia lak ah, kiko thawm leh pengkul git lak in thi’n tin;

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!