JEREMIAH 17:26 - PATHIAN LEKHABU THIANGTHO (BSI)

²⁶ Ziaphat chuleh, Judai gam ah khawpite ah kipat leh, Jerusalem kiang vêl ah mun zosia kipat, Benjamin gam ah kipat, Shephelah ah kipat, tâng gam ah kipat leh Negeb lam ah kipat in hâlmang kithoinate leh kithoinate, thâi thillat dingte leh gimtuite hun chawi in, Lalpa In ah hin kipakna thilpiakte hun chawi khawm ta’n au.

JEREMIAH 17:26 ပူးပေါင်းရင်းမြစ်များ

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

SAM 116:17

Kipakna thillat pia’ng ka tin, Lalpa min ko ta’ng ka.

SAM 66:13

Hâlmang thilpiakte tawh la In ah hung lut ing ka tin; la kiang ah ka thutiamte chu mualsua ta’ng ka;

ISAI 58:13

Ka ni thiangtho ah nangma lawkna ding bep hawl ah, sabbath ni bangmalo ah ngai lo ah, tawden lo ah la um ah, sabbath ni hi kipakna ni la hi’sak ah, Lalpa ni Thiangtho chu la jabawl nâk chun; jabawl tak ah, nangma thu kinoptel lo ah, nangma nopna lam bep bawl lo ah, nangma lawkna ding bep la hawl lo nâk chun;

JEREMIAH 30:19

Ziate ah kipat chun kipak thugenna leh, kichawlimna husa hung pawt in a. Mi tam tak hiding in hun hi’pung ing ka tin, tawm them hita pua’n au; ja’um tak in siam ing ka tin, musit um hita pua’n au.

JEREMIAH 32:44

Sumchang in loute hun chaw’n, kichawkna lekhate zik det ah châl bit in, hiatpitu dingte le siam ta’n au; Benjamin gam ah te, Jerusalem khua kiang vêl ah te, Judai khawpite, tâng gam khawpite, Shephelah ah khawpite leh Negeb ah khawpite ah chunle; mipite chu a gam un tungding kit ding ka hi tâk ziakin, Lalpa chun a ti a hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

JEREMIAH 33:13

Tânggam khawpite, Shephelah, Negeb lam leh Benjamin gam ah te, Jerusalem khaw kîmvêl ah te leh Judai gam khawpite ah chun, gancha hon a simpa khut nuai ah chun gan hon chu kijawt duam duam kit ding a hiu, Lalpa‘n a tii.

ZEKARIAH 7:7

Jerusalem leh a kîmvêl ah khawpite chu lua dim ah, a vânglai ni leh simlam Negeb leh Shephelah phâiguamte mihing in a lua dim lai ah, jawlnei masate mang ah Lalpa‘n thu a la gente kha hilo a hem? ti’n gen in,” a tia.

HEBRAITE 13:15

Ziaziakchun, ama ziak ah pakchat kithoina chu Pathian kiang in pia zing hitiu, zia chu ama min I puandawnau mûkte ga chu ahi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.