JEREMIAH 17:21 - PATHIAN LEKHABU THIANGTHO (BSI)

²¹ Lalpa‘n zia gual hin a gen hi: La hintheina ding un, kuama’n sabbath ni’n Jerusalem kotpi ah hin van-gik la puak lut lo ding uh ahi.

JEREMIAH 17:21 ပူးပေါင်းရင်းမြစ်များ

PAWTDAWNA THU 20:8

Sabbath ni thiangtho tak ah mat ding ahi ti hezing in.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

ISAI 56:2

Zia gual thilbawl ah, tudet zing a, sabbath ni subuak lo ah chang thiangtho a, thilphalo bawl lo ding ah kisûmte chu, mi hampha a hiu.

ISAI 58:13

Ka ni thiangtho ah nangma lawkna ding bep hawl ah, sabbath ni bangmalo ah ngai lo ah, tawden lo ah la um ah, sabbath ni hi kipakna ni la hi’sak ah, Lalpa ni Thiangtho chu la jabawl nâk chun; jabawl tak ah, nangma thu kinoptel lo ah, nangma nopna lam bep bawl lo ah, nangma lawkna ding bep la hawl lo nâk chun;

MARKA 4:24

Chun, zia hile a gen kit a, “La thil hiatteu ah hin pilvâng tak in um un; nangmau te’na ngai ma ah te’piak in um ding la hiu; kipiak be ding bawn la hi nalai ui.

LUKA 8:18

Ziaziakchun, la thil hiatteu ah hin chingkam tak in um un; kuale a nei chu piak belap hi’ntin, kuale a neilo chu a neisunle lâkpiak hi’n a.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

DAN LEKHABU 11:16

Chingthei tau in; achutiloleh, pathian dangte ho ah, a nau sêm dingin thep pûk in um kha’n lau;

DAN LEKHABU 4:15

Horeb tâng ah, meikuang lak ah kipat Lalpa‘n la kiang ua thu a gen lai khan, mêl kichian tak ah bangma la mulo ziak un chingthei zaw diak tau in;

DAN LEKHABU 4:23

Ziaziakchun, Lalpa la Pathian un la kiang ua thuthung a siam la bawsiat khâk lona ding uh leh, Lalpa la Pathian un bangma lim leh a kibatpi him him siam a phal lo haw kha, la hetmil lona ding un chingthei tak in um tau in.

DAN LEKHABU 4:9

La mit ua la muteu chu hemil lo a, la dam sungsiau la lunggil ua la het zing theina ding un, chingthei tak ah kivêng in um phot un; zia thute chu la chateu, la tuteu leh la tusawnteu tiang in hil unla;

JOSHUA 23:11

Ziaziakchun, Lalpa la Pathian uh hepi zing dingin chingthei tak in um tau in.