JEREMIAH 17:16 - PATHIAN LEKHABU THIANGTHO (BSI)

¹⁶ Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.

JEREMIAH 17:16 ပူးပေါင်းရင်းမြစ်များ

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 15:15

Aw Lalpa, nang in la hei, ei hezing inla, ei hung kantha’n; ei sugentheite chung ah phuba ei hung lâkpiak in. La thok-hatna ziakin ei lamang kin; nangma ziak ah hosiatna thuak ka hi ti hia’n.

JEREMIAH 18:20

Thilpha lai chu a phalo ah thuk ding a hem? Ahi’n la, ka kiaklutna dingin, lei a chokuak ta’ngal un. A chung ua la lungnatna la lâk mang theina dingin, la ma-âng ah hung dingin, a phatna ding uh ka la gen sek dante kha hezing in.

JEREMIAH 20:7

Aw Lalpa, nang in lei jawl ah, tichun, jawl zaw in ka la um tai; keima sâng in la hatzaw’n, lei zo tai. Sun nitum tum ah nuizatbûk ka hita’n, mi zosia’n ei nuisan tau hi.

JEREMIAH 20:9

“Ama chu gen puak ta pua’ng ka tin, a min inle thu gen kit ta pua’ng ka,” ka tileh la, zia phat chuleh, ka theng sung ah meiâm um gual in, ka thipsan thei pua’n; ka thip hiat hiat leh la ka thuak zo sek pua’n, ka thipsan thei diak paw’ngal a.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

AMOS 5:10

Kul kotkhak ah zilgaipa chu a huau a, thudik genpa chu a ki’dak ui.

NASEPTE 20:20

himaleh, nangmau phatna ding ahi’phot leh bangma kipadam lo in, mipi lak inle thu ka gen tho ah, thu tam tak ka hun hiatsak ta’n, a In In ah le ka chuantha chiat ahi kha;

NASEPTE 20:27

la kiang un Pathian thiltup gen ka kipadâm pua kha.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.

JAKOB 1:19

Ka doitakte haw, zia hi hiau in: Kam chungnun chu’lo leh lungna vak lo in, mitin in a ngaithâk kilawp un.

JAKOB 3:1

Ka suapite haw, la lak ua mi tam takte hi hotu hi’ kithalawp kiu in, hotute chun vaihawmna khau zaw diak tuak ding I hiu ti la he ngal un.