JEREMIAH 17:13 - PATHIAN LEKHABU THIANGTHO (BSI)

¹³ Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 17:13 ပူးပေါင်းရင်းမြစ်များ

SAM 22:4

Ka pu leh pateu in nang a la muang un; a la muan gual un la la hukdok tai.

SAM 69:29

Ahi’n, kei chu mu’tawm leh beidong in ka um a; aw Pathian, la hukdamna chun ei vêng tup ta’n.

SAM 71:5

Aw Lalpa, ka naupan lai ah kipat ka hun muan leh, ka kinepna la hi’ngal a.

SAM 73:27

Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

THUPILTE 10:7

Midik hetzingna chu vangphatna ahi’n; mi nunsiate min chu muat mang kawm in a.

THUPILTE 14:14

Mi dukdak lo in a sep ga kiluak intin, mipha’nle a sep phatna ga kiluak in a.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 17:17

Kei â ding ah tizat um hung hi kin; siatna hun ah ka kisêlna la hi’ngâl a.

JEREMIAH 17:18

Ei gawt gentheite mualpho uh hen la, kei vang ei mualphosak kin; amau chu lungdong uh hen la, kei vang ei lungdonsak kin. A chung un siatna ni tunsak inla, a le’ni in siatna tunsak in!

JEREMIAH 17:5

Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

JEREMIAH 19:4

Zia mite hin ei nusia in, zia mâichâm supolche ding ah amau leh a pu leh pateu leh, Judai gam ah lengte’n le a la het ngai lo uh, pathian dangte ho’na dingin thilpiakte a la lân ta’ngal un; chuleh, zia mun hi gitlona bei mite thisan ah a sukdim tâk ziak un;

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 50:7

A mu taphot in a ne zo malam pek un, a mêlmateu chun, “Lalpa, a pu leh pateu kinepna, a tatna mun ding tak uh Lalpa chung ah thil a la bawlkhial tâk ziak un, eimau maw’na bangma a um puai,” a tiu a.

EZEKIEL 13:9

Ka khut in jawlnei lêmte zuau thil mu, zuau thu gente hun do ding ka hi; ka mipite vaihawmna lak in pang pua’n tiu in, Israel Inkuante min ziklutna’nle pang pua’n tiu in, Israelte gam inle lût diak pua’n au; chuleh, Lalpa Pathian ka hi’dan hun he ta’n lau.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 36:32

Zia hi nanghaw ziak ah ka hun bawl ding ahi puai ti, la leng un he tau in, Lalpa Pathian in a ti ahi. Aw Israel Inkuante haw, la umchanteu kha zakcha’n, lungngai tau in.

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

LUKA 10:20

Thithate la thu thuu ah a um ziak un kipak ziang kiu inla, van ah la min uh zik ahi ziakin kipak zaw tau in,” a tia.

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

NASEPTE 28:20

Zia ding ah hin ka hun ko khawm la hiu hi, eimau I kimutuau ah I kihotua theina ding un; keima hi Israelte kinepna thu ziak ah thik khau ah kân ka hi bep hi,” tia.

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

THUPUAN 20:15

Kuale Hinna Lekhabu a min kizik lo tapo chu meidil in a pai tau hi.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.